豆b停咗西藥, 全依賴順勢療法, 正如Am所講, 似番個"人"形喇; 我當然唔係話西藥差, 事實西醫西藥仍係正統療法, 但身體接受與否, 就好個人啦, 毛孩表現無得呃, 佢哋會直接表達!
豆b早排胃口好差, 體重直線降下, 當我幫佢量體重時得返1.44kg, 我真係驚㗎; 如果再咁樣落去, 同佢講再見嘅日子不遠喇 :'(
同順勢療師再商討, 將藥嘅次數再調較, 加上利膽藥同器官修復療劑, 深呼吸再接再勵再試吓; 幾日後已經見到豆b嘅轉變, 佢開始有返D精神同胃口, 今日同佢再用試紙驗尿, 結果我好滿意喇; 當然, 要調整咁高嘅蛋白尿唔容易, 我都唔敢咁貪心啦, 但求維持到起碼嘅精神狀態, 有意欲進餐, 我心足喇!
唔敢要求優質生活, 但維持住起碼嘅生活條件, 肯食肯行, 再唔係同波波打吓交, 我依家都OK㗎:)
毛孩生活好簡單, 感覺亦都直接表達, 之前藥物反應嘅尖叫, 繼而整日瞓覺, 真係好慘 :(
 |
| 豆b好耐無到廚房門口等食喇, 今日見到佢, 好開心啊！ |
今日再幫豆b磅重, 有輕微反彈, 我嘅心情亦稍為鬆返; 當然唔會天真以為佢會好返, 事實呢段日子以來佢一向時好時壞, 但照顧豆b呢段期間, 我自己亦學習緊將心情調較!
唔怪得話毛孩係我哋嘅老師, 我哋會從佢哋身上學懂好多事, 包豁接受生離死別, 呢條路係無可逃避一定要行!
"陪牠到最後"呢本書有話, 世上沒有絕對的生或死、成功或失敗, 時時刻刻愛的付出與回應, 才是最重要的.
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
