一早起身餵狗狗, 豆b又麻麻胃口, 一時會團團轉叫開餐, 今日又咁飄忽, 我已經習慣唔敢強求!
正常會帶佢哋入房一齊再瞓一陣, 今日嘛, 就要搵D事做, 唔想有不安嘅畫面喺腦中逗留!
之前談及要睇嘅書, 搵過各大小書店都無再銷售, 要嘛就直接從台灣郵購!
我又心急, 終於向圖書館著手, 睇過後再決定是否希望自己永遠擁有, 再決定是否訂購啦; 希望睇完呢兩本書我有所得著, 會調整到情緒將現實接受!
借書後完全無辦法定下心神, 兼且忙到頭暈, 今日的起心肝捧書在手, 萬望能舒解到我嘅憂心.
睇咗一半已經眼淚直流, 但願我真係做咗正確嘅選擇, 好多謝V, Ka, Am嘅支持,認同我嘅做法!
同大家分享幾段, 我....是否做得啱?
最近FB常有彈出往日回憶分享, 呢個令我有更深感受, 見到3隻豬仔之前同依家嘅明顯分別, 即使朋友話佢哋仲係BB樣, 但事實體力精神都唔夠啦!
時間啊.... 請唔好匆匆咁走, 我唔敢再問是否可走回頭!
後記: 已經睇完"為了下一次相逢, 讓我陪你一起幸福到老"
我一定要擁有呢本書!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
