訂比達達用嘅bladder support到咗喇, 希望加上acidic vit C, 佢尿液嘅酸鹼度可以調較正常返; 今次因為豆b, 要買驗尿試紙, 變相救咗達達!
從達達試紙嘅報告, 尿液偏鹼PH8, Leukocytes有2+, 即係有發炎現象, 雖然佢無任何異常徵狀, 但試紙驗尿報告吻合問題出於尿道, 我懷疑佢有尿路感染, 立刻請教整體動物醫生, 決定用順勢療法!
達達用藥10日後, 再驗尿時已經無炎症喇, 好彩用藥及時, 亦算知道得唔算太遲啦; 呢幾日睇咗一篇又一篇講尿石嘅分析, 真係嚇死我呀, 如果一直無發覺達達嘅問題, 再咁落去結果一定死火喇!
尿液嘅酸鹼不平衡, 飲水量不足, 都會做成尿結石嘅問題, 雖然形成尿石嘅原因有好多因素好複雜, 但最慘呢兩樣達達都中嘛!
磷酸鎂銨「鳥冀石」- struvites, 一種非常常見的尿石，尤其是在雌性狗。常與尿路感染有關，如金黃色葡萄球菌，假單孢菌，克雷伯氏菌或棒形桿菌感染形成。泌尿道感染對於此類結石形成有重要影響，細菌會產生酵素使尿液pH值鹼化，導致磷酸胺鎂的溶解度下降而形成結晶，甚至結石。這種類型的泌尿系結石佔所有犬泌尿系結石的40％。- 轉貼
還好今次達達嘅炎症已經用順勢療法醫好, 亦用咗適當嘅療劑作保護, 我希望唔會做成達達有晶石咁痛苦啦; 目前就著力調較佢尿液酸鹼正常返, 今後我要密密監察住佢嘅飲水量, 亦要定期用試紙檢測佢哋尿液嘅酸鹼度喇!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
