豆b情況稍為穩定, 大部份時間都肯自己進食, 當然仍然係咁揀飲擇食, 菜同飯都仲係要針筒餵入口先肯食 :p
幾個月落嚟, 每日都係咁餵, 佢好似習慣咗呢類糊仔一定要媽媽餵!
只要佢肯吞, 身體吸收到食物養份, 我樂意每餐去餵, 就等佢做隻被寵壞嘅豬仔, 無所謂 :)
Video: 豆b等食
 |
| 希望一直咁平穩啦, 之前體重咁跌我真係好擔心 |
感覺上停晒西藥豆b較精神, 調較過順勢療劑次數後係有improvement, 再加咗虫草丸呢個supplement, 佢好似食得較開心; 其實我都唔敢太貪心, 祇願佢嘅病可以控制得平平穩穩!
同Ka研究不如再用蜂膠去調理佢嘅肝膽腎, 今次睇得好小心, 原來好多病症都識合用呢隻補充品, 咁大前題當然要視乎佢會唔會對蜂膠有敏感!
討論蜂膠:
http://cht.a-hospital.com/w/%E8%9C%82%E8%83%B6
http://carekorwind.pixnet.net/blog/post/12214049-propolis-%E8%9C%82%E8%86%A0%E5%8A%9F%E8%83%BD%E4%BB%8B%E7%B4%B9
澳洲順勢療法網上都有提及, 蜂膠係一樣好好嘅supplement, 咁Ka都想買比佢嘅狗狗, 就大家開始研究!
網上見有狗狗食人類嘅產品, 但人家係大狗, 同細狗份量會好大出入, 我哋都係屬意搵返比狗狗用嘅會更放心!
然後就睇產地同提取方法, 原來一般常用酒精提取法, 咁對肝膽代謝問題我哋都擔心, 一於繼續搵!
Ka終於搵到個好產品, 係日本制造嘅蜂膠, 比細狗用好適合; 之前我上網猛搵要餵幾多份量, 都講到模稜兩可, 咁我就唔放心啦, 食過量怕同補益原意係衝突!
呢隻產品就比到較清晰嘅指引, 咁當然我都會因應豆b情況再細分!
呢隻蜂膠原產地係巴西, 製造商係日本, 而最重要嘅一點係用非酒精提取方法, 雖然價錢比一般嘅較高, 但就會用得更放心.
Ka超神速從日本訂咗返嚟喇, 希望豆b會有得益, 會夾呢隻產品!
Link: SANTA PRONT蜂膠
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
