最近都會騰出時間去睇書, 希望從書本可以領悟, 比我勇氣去面對動物伴侶嘅生死!
"動物生死書"係好多年前我5寶離開時, 網友介紹我睇嘅一本書, 當年狗狗走後好傷心, 佢話睇吓呢本書, 希望我可以學習放開D!
老實講當年真係全無得著, 可能係失去所愛自我封閉, 眼睇住書內嘅文字, 但個腦就拒絕接收內容, 唔好話有所領悟, 連講乜都唔知; 之後, 就放咗上書架無再睇!
之後養呢3隻豬仔, 完全無空餘時間多出嚟, 仲點睇書?
其實喺無風無浪嘅日子, 我自己就好少會諗睇呢類書, 總係遇到挫折, 徬徨嘅時候, 就需要搵一個支柱!
呢段日子, 因為豆b, 我又開始睇呢類書, 從頭將呢本書再睇一次; 每一個唔同嘅時段去睇同一本書, 都會有唔一樣嘅感覺同體會, 但願往後我遇到任何困難嘅時候, 我可以從容面對!
http://lightweb.uho.com.tw/people/cont-9.html#.V2o3V6Ic9WG
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
