 |
| 一時精神一時謝晒, 好飄忽! |
完全無留心端午節, 當然無諗為3隻豬包粽啦, 係見到老公放低過D粽券, 但原來聽日就係端午節！
如果唔係工人姐姐同我講聽日放假想夜D返, 我無為意時間真係過得咁靜悄悄!
呢幾個月全副心思繫於豆b, 完全無mood諗過節, 更無心情包粽啦!
但突然好驚, 明年今日豆b會點? 佢會唔會仲陪喺我身邊?
唔想有後悔同遺憾, 喺last moment都係決定為3隻豬包粽, 慶祝今年我哋仲一家齊齊整整, 要開開心心咁過節!
匆匆忙忙叫姐姐去買粽葉, 我就落去買美國豬肉片， 晚飯後就進行, 希望豆b會食得開心啦!
任我幾心急如焚, 任我想盡辦法想要扭轉命運, 每日耐心將隻豬豆氹, 只求佢肯食我就安心, 唔成功嘛就用針筒泵..... 都係唔想佢體重減輕致惡病質(Cachexia)！
*重症病患，特別是心臟病、腎臟病、肝臟或其他腫瘤疾病，則需注意“不得”放任體重持續減輕，當體重減輕幅度超過7.5%就是惡病質(Cachexia)警訊。而惡病質的發生在臨床上常常預告了生命的尾聲！*
豆b體重已經減輕咗10%喇, 我盡晒力都唔可以力挽狂瀾, 好傷心!
今日後決定唔再幫豆b量體重, 我唔敢再睇唔想再諗!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
