早排豆b情況真係好壞, 最直接得知佢情況就係從毛髮, 當然佢依家嘅病一定影響毛髮會差, 但咁短時間脫落咗一半, 輕輕一撥就見肉, 仲乾旱得可怕啊!
喺咁critical嘅時間, 我仲點會關心佢毛髮靚唔靚吖, 但求保命就好喇, 但毛髮係直接反影健康嘅指標, 見佢精神, 胃口, 體重, 毛髮, 一切一切都越嚟越差, 心痛無助之餘, 個心好怕.....
當然求助於順勢療法, 西藥再唔敢掂喇, 然後上網去好多照顧有病狗狗嘅群組取經啦!
今日再同大家分享一隻補充品, 其實大家對呢隻產品一定唔會陌生, "培植蟲草菌絲體Cs-4", 只係有好多品牌, 會選擇困難 :)
群組裡面有人介紹呢隻, 係GMP認証嘅美國organic產品, 佢話佢狗狗去到末期腎病, 食咗都有幫助, 明顯精神番; 咁當然有人話培植嘅無效, 大家係可以選擇餵原條蟲草啦, 任君選擇 :)
我一直都知道蟲草對氣管同肺功能有幫助, 原來對腎病都有用, 咁就要試吓!
即刻做research, 睇睇用家嘅reviews先啦, 呢個對點去選擇都幫助好大, 見到comment大都係讚, 話比較過其他更高價格嘅牌子, 都係覺得呢隻幫助最大, 咁我就決定買!
試過豆b之前食藥敏感, 我有陰影啊, 唔敢餵足建議嘅份量, 亦唔敢比豆b先用啦, 佢依家身體咁差, 唔敢冒險喇!
先比波波達達試吓, 反正松松氣管都差, 如果佢哋唔排斥就3隻豬一齊食啦!
先用好少好少份量, 逐日添加, 一直到正常份量, 兩隻豬都無不良反應, 咁就開始比豆b試喇!
都係循序漸進, 從少量開始, 佢都OK啊!
豆b添加咗新嘅順勢療劑, 亦調整咗食用次數, 再加上蟲草菌絲體, 佢漸有起色喇!
先係抱起佢時感覺毛髮變得鬆軟返, 精神都有進步, 體重無一直咁減, 但呢隻豬食嘢都係要手餵, 都係大問題!
我只希望豆b可以過D舒服嘅日子, 個病可以穩定D就好喇, 至於佢可以陪我有幾耐時間, 就唔再諗喇!
只求可以如常生活, 唔好愁雲慘淡, 早排見到佢身體咁差, 大家都係一個折磨啊!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
