輔助效果

咁快就過咗蜜月期, 湊住呢兩隻豬, 有個喘息機會已經係恩賜; 不過唔好呻, 呢個好少事, 呢種天氣呼吸道有事並唔奇!

琴日達達早餐時, 已經感覺佢食得唔太順意, 一餐半餐我由得佢, 叫自己放鬆D; 到咗午餐都明顯無食慾, 我開始擔心究竟係乜事, 傍晚飲湯仲死, 一放低個碗佢行咗去, 叫佢都唔肯過嚟, 唯有用針筒餵佢!

今時今日(w/album)

相片連結

盡量帶兩隻豬每日都出吓去,視乎情況決定放唔放佢哋落地, 潮濕嘅天氣會麻煩D, 都怕太近地面皮膚有事; 以前波波都試過肚仔出紅點, 醫生話可能對外間環境敏感引致, 但放波波落地跑佢真係開心D, 唯有揀清潔嘅地方, 之後再徹底清理; 放過落地清潔完我依家會噴healing solution作保護, 未雨綢繆好D😊!

盲頭蒼蠅 (w/album)

相片連結

兩隻豬暫時身體狀況算係正常, 當然波波身體仍要用藥物保養, 但可以under control已經唔容易, 唔使盲頭蒼蠅亂咁撞, 已經好妥當!
林醫生按壓波波腰下, 話佢有"冤"嘅感覺, 咁我盡量focus呢處幫忙, 上網睇吓要集中喺邊個穴位, 諗住用E-Acu去幫! 

中西合璧

琴日波波見咗整體療法林醫生, 醫生評估佢各方面都有進步, 尤其情緒方面明顯較好, 無之緊張扯氣到呼吸都快無😜; 雖然波波遇上喧嘩嘅細路仍然好勞嘈, 但整體有改善已經好好, 睇嚟老師用Q touch真係幫到!

一生受用 (w/album)

相片連結

阿女keep住用靈氣治療幫兩隻豬仔保養住, 而當佢幫我做reiki, 我都可以好快有感應, 呢個對我嚟講真係唔容易, 我做任何另類治療一向係零感覺, 攪到幫我嘅人都無晒動力, 快激死😜!

阿女自己就更見證到reiki嘅好處, 之前佢頭痛, 即刻做self healing, 都可以緩解落嚟, 但可能佢功力唔深, 要重覆做多幾次; 能夠減少用止痛藥, 對健康都有極大益處!

Easter 2017 (w/album)

相片連結

復活節公眾假期最後一日, 當然都係唔出去, 放假一定通街人, 一定比平常多噪音, 唔想波波猛吠嚇親人, 亦避免令佢情緒唔安穩!
其實波波已經比以前好咗好多, 出外唔一定會吠, 如果正常情況下見到陌生人, 都可以控制;  最怕係有人近距離向住佢伸手, 或者小朋友叫喊嘅高音, 咁佢就神經繃緊, 一開咗聲吠就閂唔到制😦!

遠離人群 ( w/album)

相片連結

呢兩日都有同兩隻豬出去, 盡量keep住weekday出遊, 波波始終對外出見人較敏感, 琴日出去唔係咁開心; 原來琴日已經係公眾假期, 唔怪得街上咁多人, 波波一見多人就神情拉緊, 再加上週邊多咗噪音,  琴日大家都行得唔稱心!

平靜安寧 (w/album)

相片連結

平靜安寧嘅日子無咩可以分享, 就分享吓兩隻豬仔嘅生活相!
自從買咗部細車, 日日都同佢哋出去, 細車方便在自己可以單手推門單手推車, 出入唔使帶住工人姐姐; 即使唔放兩隻豬落地, 都唔使喺屋企困住, 最少可以遊吓花園, 呼吸吓唔同嘅空氣😊 !

皆大歡喜 (w/album)

相片連結

慣性唔會選擇週末或假期帶兩隻豬出去, 波波見到小朋友都係會緊張到死, 近來似乎見其他狗狗仲好D, 正確演繹應該係如果其他狗狗無向佢直視, 直行直過,  咁就可以無事! 
小朋友嘅活潑跑動, 高頻率嘅音調會刺激佢, 無謂令個仔咁不安, 更唔想波波嘅吠聲嚇親人哋, 避得嘅就盡量避, 皆大歡喜!

零虧負 (w/album)

相片連結

天氣又濕又翳, 但總算無落雨, 可以帶兩隻豬出去逛逛！
又到咗牛蜱活躍嘅季節, 每次帶佢哋出外都有D驚, 尤其放過佢哋落地跑, 就會更緊張, 中招真係無命; 依家出去唯一保護就衹有噴天然草本作預防, 已經再無用任何口服藥, 就算係天然草藥, 或者順勢療劑, 任何會加重佢哋肝腎負擔都唔想, 實在已經用緊太多必須嘅醫療補充品做保養!

莫失莫忘 (w/album)

相片連結

琴晚阿女又幫兩隻豬仔做reiki, 都好多謝佢自己咁忙都關顧兩隻豬, 隔日傳送靈氣; 即使佢係學神階段, 做密D點都有D得益😊; 阿女話原來理論同實踐係兩回事, 勤加練習真係會感覺強烈D, 甚致有時會感到血液流動喺手指😬😱!
唔係卦咁神奇? 但說話出自個女, 我唔應該懷疑, 佢呃我有乜意思呢!
 

健康保養 (w/album)

相片連結

平平穩穩每日如常, 好感恩無咩大件事要密密寫blog😉!

不過朋友嘅狗狗就身體出咗毛病, 誠心祝願狗狗好快恢復健康!

呢段期間天氣都好反常, 一陣好好太陽曬到要命, 一陣又橫風橫雨氣溫驟降, 一日嘅溫差好大上落; 我最怕呢種天氣對兩隻豬仔心肺氣管有影響, 仲有誘發筋骨嘅毛病! 
可以做嘅都係室溫管理, 仲有照燈艾炙, 無痛針灸等等去保養!