 |
| 相片連結 |
阿女琴晚幫兩隻豬做reiki, 當然佢係新手, 唔可以期望太大, 但都希望可以幫到兩隻豬仔, 做多幾次練習會進步快D😉!
阿女話幫我試試, 老實講同我做真係徙氣, 我有反應就奇, 唔想 discouraged佢; 但佢話想feel吓不同個體, 就由得佢啦!
跟住佢scanned到話我眼差, 咁我成日都講住啦, 佢一直都知道嘛, 然後佢同我做眼!
好奇怪今次我有感覺呀....感覺好似比個燈膽照住, 有股熱力衝向我雙眼, 唔強烈, 但有feel啦!
眼嘅神經可能較敏感, 我咁反應遲鈍都有感覺, 唔怪得波波唔肯做眼啦, 佢哋感覺會比我強, 反應會更大!
咁即係...阿女都有D功力啦, 哈哈!
琴晚幫兩隻豬做reiki都算順利, 不過波波都係無耐性, 亦可能佢八卦, 乜都想管啦, 就算關上房門佢都感應到外面, 定定咁坐唔到太長時間; 上半部還好, 下半部就猛郁喇!
達達一向做治療都接受較高, 琴日好乖肯配合比阿女做, 而且好放鬆脾氣都好好, 呢個女一直脾氣暴躁嘛; 琴晚表現超班喇, 做完都無嘈, 一直坐喺阿女身邊任佢摸, 以為係好平常嘅舉動, 但唔係可以隨便做得到㗎!
達達應該係享受靈氣治療, 應該有feel到, 從佢對Ka同阿女嘅態度就可以見到, 平常想摸吓佢都一定嘈😂!
阿女學reiki應該比我好, 係一定吸收能力比我高, 我叫佢去學希望幫到兩隻豬仔, 呢個決定無做錯到👍!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
