痕到跳舞 (w/video)

真係比呢兩位公子小姐玩殘, 輪住咁要同我玩, 究竟可唔可以食餐安樂茶飯?
我萬分願意貼身服侍, 心甘情願做主子阿四, 但唔好成日要我嚇餐飽啦😩!

發熱發光

今日, 朋友又約我見面, 話有嘢要比我, 繼上次同我"買"個鐘, 今次又攪乜東東😜?!
不過, 喺FB見到其他朋友嘅post, 都大概估到今次要比我嘅內容, 今次有晒心理準備, 唔會再咁肉酸眼淚失控喇!

白內障眼藥到 (w/video) - MSM, NAC, Cineraria , Castor oil

 
從唔同地方訂購嘅白內障眼藥水今日都收到喇, 一共3個shipments! 
呢段期間一直有幫波波滴NAC眼藥水+ castor oil, 佢無再卒眼仔算效果幾好; 然後從今日起, 會再加入動物白內障自然療法組織訂購嘅眼藥, 我要有信心情況可以控制好!

高分貝音頻

仍然keep住每日食完晚飯, 就帶波波出去行吓, 達達就隔晚, 我自己一個好難照顧兩隻豬啦, 佢哋無定向咁向左走向右走我分身難, 反正重點係我想波波環境習慣, 萬一真係眼仔盲, 都可以出去行, 比較安定D啦!

負面情緒高 (w/album, video)

相片連結

見到波波自己去飲水, 應該係好事, 佢已經好耐無自動去飲水, 但我竟然有D擔心有D唔遂意!
每見到日常習慣有改動, 我都驚唔係好事, 我呢種想法究竟係咪好多餘？

不同朋友對我嘅睇法好唔同, 有話我警覺性高, 有事都可以及早補救到, 積極進取非常好; 相反話我係庸人自擾, 無事搵事做, 總係向唔好嗰方面去諗, 負面情緒高!

唔會行差踏錯 (w/video)

琴晚又帶波波出去, 夜間靜D佢可以放鬆好多, 前晚落過地, 返去用magic mist 清潔效果好唔錯, 既然可以解決皮膚敏感, 波波又鍾意落地, 咁我再比佢活動吓囉!

仍係好幸福

琴晚又帶波波落樓下行吓, 自從佢眼仔變差, 出去碰到小朋友尖叫都無吠喇, 就算遇到其他狗狗都好安靜, 呢個情境係我一直期盼, 但今時今日佢有呢個改變, 我好心痛呀, 真係此時彼時, 凡事無絕對啊!
理論上就算狗狗已經全盲, 但佢仍有聽覺嗅覺, 波波應該係感應到週圍有人仔狗仔, 但佢咁安靜, 即係話比我知佢好down😢!

狗得到白內障該如何處理？- 轉貼

其實狗狗和人類一樣，年齡愈大(一般是約8歲以後)，得到白內障的機會越高。不過要瞭解狗狗白內障之前，要先知道狗眼睛的構造，以及光線如何進入狗的眼睛。

矛盾複雜

琴晚食完晚飯, 再同波波落樓下行吓, 不過佢無之前咁開心喇!
以後每晚都會手抱落平台花園行半個鐘, 比佢接觸吓外來環境有D刺激啦!
襯佢視力未太差, 比佢望真吓佢常到嘅地方, 感覺波波右眼嘅視力遲早都保唔住喇, 希望可以保住左眼, 唔會全盲; 雖然呢個係一個缺憾, 但希望波波會慢慢習慣! 

多一事不如少一事

聽到去街街開心晒

琴晚食完晚飯同阿女閒談, 話波波唔太開心成日瞓覺, 阿女話佢困喺屋企好悶, 每個人性格唔同, 狗狗都一樣啦, 可能波波比較鍾意戶外活動吓!

有無運到

感覺波波唔開心, 活動少咗, 成日靜靜咁坐, 胃口都差咗!
檢查過佢眼仔大少無改變, 眼白亦無紅, 咁我估應該係佢睇得唔清楚,  雖然未至於睇唔到, 個但一定好矇, 所以信心欠奉;  面對呢個改變,  都要比時間佢過渡, 希望乖仔可以好快適應到!

一仆一碌

琴日Am call我, 佢話見我post波波嘅生日相, 無以前咁靚仔喎, 我同意啊!
雖然每個媽媽都有把特別嘅尺, 要去量度自己嘅寶貝, 一定唔準一定盲目, 但客觀去講, 年紀漸大眼仔又白咗又矇, 同年輕時一定有唔同, 呃自己都無用😉!
不過, 即使以後兩隻豬變到老態龍鍾 , 佢哋依然係我嘅珍寶, 我最愛嘅珍寶豬啊😍!

波波生日快樂! (w/album)

相片連結

今日寶貝仔 11歲喇, 祝願波波身體保住平穩安康, 生活得快快樂樂! 
唔再攪大project喇, 咁多年習慣 3隻豬生日會都做埋一齊, 今年有所缺失, 都無心情攪, 而且近日個仔又多多麻煩, 都唔係好得閒! 
見到阿女喺fb嘅留言, 睇到我好心酸,  當然唔會忘記咗小豆b啦!
"今天是波波豆豆的生日。波波生日快樂啊！
然而豆豆已經在彩虹橋做快樂小天使了。無論在哪裡，世界的某個角落，有著我們相遇過的印記。
放心，不會忘記。"

自己諗辦法

今日又帶波波見老師, 老師話波波好咗好多, 頭仔無脹住喇, 咁即係我加返順勢血壓療劑係做得啱啦; 至於對眼仔, 係兩隻眼都有視力, 咁當然有白內障會矇D啦, 我都知會係咁, 自己有近視唔戴眼鏡都矇查查嘛!