今日, 朋友又約我見面, 話有嘢要比我, 繼上次同我"買"個鐘, 今次又攪乜東東😜?!
不過, 喺FB見到其他朋友嘅post, 都大概估到今次要比我嘅內容, 今次有晒心理準備, 唔會再咁肉酸眼淚失控喇!
今次我笑住接收呢份禮物, 好多謝朋友見到好嘢會諗起我, 呢份情意令我好感動😍!
從好多微細嘅舉動, 見到佢對朋友嘅看重; 好朋友, 衷心感謝你, 感謝你真心相待, 你為我做嘅定必珍而重之放喺心中!
望住呢件禮物, 發熱發光, 望住3隻豬仔嘅面容, 個心暖烘烘, 呢個燈座真係意義深重!
近期比波波攪到我思維亂晒龍, 心情當然唔太好, 見佢蛋白尿剛控制好, 又嚟白內障到達成熟地步, 唔做手術個仔就面臨眼仔睇唔到, 一下間真係接受唔到!
還好有好朋友支持, 比我關心比我正向鼓舞, 我會努力將情緒調整好, 將希望記託喺自然療法度; 人有希望同支持就可以繼續向前邁步, 我同自己講好好努力去做, 明天一定會更好😊!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
