 |
| 相片連結 |
今日寶貝仔 11歲喇, 祝願波波身體保住平穩安康, 生活得快快樂樂!
唔再攪大project喇, 咁多年習慣 3隻豬生日會都做埋一齊, 今年有所缺失, 都無心情攪, 而且近日個仔又多多麻煩, 都唔係好得閒!
見到阿女喺fb嘅留言, 睇到我好心酸, 當然唔會忘記咗小豆b啦!
"今天是波波豆豆的生日。波波生日快樂啊！
然而豆豆已經在彩虹橋做快樂小天使了。無論在哪裡，世界的某個角落，有著我們相遇過的印記。
放心，不會忘記。"
阿女幫波波做多咗reiki, 前晚話佢情況無之前咁差喇, 不過佢要出差, 希望有時間幫佢做distance healing啦, 老師又去旅行, 仔呀你要爭氣啊!
還好, 仲有老友Ka back up, 波波都係有福氣啦😅!
無諗過再搵道具做佈置影相喇, 都無興趣再玩; 人類老人家到咗一定歲數都唔做大壽, 當迷信啦, 10歲後我所有狗狗都無做生日會喇!
不過今日3餐都會加足料, 何妨放肆一次, 比個壽星仔食個豐富嘅生日餐, 再基本咁自己簡簡單單焗個蛋糕仔, 以後唔再光顧餅店喇, 賣相唔靚個仔都一定唔會彈, 用足料好味就得啦😋!
過咗10歲, 一年比一年更珍貴, 唔知仲可以過幾多個雙位數字, 我往後要積極D, 帶住正能量咁陪住兩隻豬好好過日子, 要珍惜每個共渡嘅時刻, 要好好愛錫佢哋; 往後嘅每日, 每個細節都要可以開心回味甜絲絲!
波波眼仔唔好就由我代佢睇, 睇唔清無信心行我每步提攜, 食得唔好我就手餵😌 !
反正上天早有編排, 我就跟住個時間表行, 做得嘅就盡力而為, 無謂作多餘揣測, 拍拍心口學吓做大無畏😛!
 |
| 佢應該係睇到嘅, 但唔清卦！ |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
