真係比呢兩位公子小姐玩殘, 輪住咁要同我玩, 究竟可唔可以食餐安樂茶飯?
我萬分願意貼身服侍, 心甘情願做主子阿四, 但唔好成日要我嚇餐飽啦😩!
近日算係可以將波波蛋白尿issue暫時擱置, 未夠期做化驗前當無事啦, 打到嚟再算無氣再自找麻煩; 見到佢眼仔白白心情已經差, 不過都仲希望滴眼藥後可以拖一段時間, 唔會咁快盲!
以為帶佢出去多D行吓, 等佢見多陣呢個世界, 放佢落地比佢聞吓, 等佢生活模式有改變時, 可以慢慢習慣; 已經每次返屋企都小心檢查, 再用神奇水清潔啦, 本來效果好好, 諗住咁做ok啦, 點知又出問題喇!
琴日個仔全日都坐立不安, 又無心機食飯, 又唔知佢乜事心都實曬, 無諗过原來又係皮膚問題啦😖; 做足預防, 徹底清潔就無再從呢個方向查根究底喇!
 |
| video |
唉, 點知個仔都係敏感底, 皮膚有事根本同清潔與否無關, 係佢吸收咗地下嘅濕氣頂唔順, 又發咗D紅點出嚟喇😱; 最後我全身續寸檢查, 就發現有紅點喺尾根部位, 可能呢個位置較敏感, 就出現前所未見嘅狀況, 佢痕到跳起嚟😩!
神奇水、草本噴劑、草本膏乜都試齊, 都幫佢唔到, 見佢間歇痕到尖叫我好似熱窩螞蟻😭!
晚上阿女放工返嚟, 見波波咁痕建議我幫佢浸微泡浴, 佢提醒我人家狗狗有皮膚病濕疹, 通通都去pet saloon做深層清洗, 試吓幫波波清洗致敏原可能解決到問題!
一言驚醒, 點解我全日喺度發夢, 即刻set milky spa連夜開動!
 |
| 終於安定落嚟 |
感覺波波喺水中浸浴好舒服, 全日痕到佢無點瞓過, 落咗浴桶我要托住佢頭仔, 比佢一路瞓一路浸浴!
真慶幸買咗個烘毛機, 原來超好用, 波波浸完抹乾身上嘅水, 就直接放入烘毛籠, 佢喺入面好安靜好放鬆, 繼續尋夢!
 |
| 烘毛中都好放鬆 |
整個過程唔使一個鐘, 做完波波好舒服, 我如果早D咁做就唔使個仔痕得咁陰功, 呢個媽媽真無用, 個腦生咗蟲😫!
 |
| 返落網床再無跳晒舞喇😰 |
今日波波無再痕到跳舞喇, 仲瞓得好好, 一切回復正常我都可以鬆一鬆!
不過...到底應該再比佢落地行, 還是只坐車仔出動😓?
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
