琴晚又帶波波出去, 夜間靜D佢可以放鬆好多, 前晚落過地, 返去用magic mist 清潔效果好唔錯, 既然可以解決皮膚敏感, 波波又鍾意落地, 咁我再比佢活動吓囉!
可能心裡面有個信念, 天然療法應該有限度幫到波波, 我心情平靜好多; 一早同波波講好, 佢唔會完全睇唔到, 最多睇嘢係矇咗, 媽媽會提點佢唔怕會行差踏錯, 唔好喪跑, 嘗試用其他感觀幫助, 試吓習慣用感覺!
波波真係表現唔錯, 我安慰咗好多😊!
 |
| video |
可能個仔都漸漸接受咗, 睇嘢會有矇矓嘅感覺, 胃口比之前正常番好多; 雖然我要坐喺佢身邊比佢安全感, 但佢肯自己慢慢食清光, 我已經好安樂!
達達近來正正常常就唔使講咁多, no news is good news真係無錯😌, 過多兩個月再帶佢覆驗肝酵素, 希望到時有個好report!
叫自己萬事唔好抱太大期望, 一切得過且過, 天皇老子都要經歷生老病死, 有邊個可以避得過?
但求無痛苦自然過渡, 上天已經係無待薄🙏!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
