波波達達祝大家聖誕快樂!
好多謝朋友們無忘記豆b, 今日祝3隻豬仔聖誕快樂, 佢哋話心目中一直都係有3隻豬, 永遠都係!
聽到佢哋咁講, 好感動, 又眼淚盈眶, 可能剛backup完D video, 個腦充斥住豆b, 記憶猶新, 特別激動!
豆b呢個開心果, 依家喺彩虹橋上自由自在, 唔使講一定大快樂啦!
 |
Merry Christmas from heaven 💖~~ |
琴日平安夜, 我嘅節目就係同波波抹身修毛, 未敢沖涼住囉; 不過今次眼仔大攪咗一場, 望落隻豬憔悴咗, 真係頂唔順, 唔想望到佢個樣咁殘, 自己難過; 人靠衣裝真無錯, 狗狗靠毛毛囉, 經過修毛後望落個仔真係好得多, 整整齊齊成隻精神咗 😊!
今日聖誕嘅節目就係出去攞湯, 當然都係孝敬比兩隻曳豬皇!
朋友有買呢家嘅homemade零食比毛孩, 最近話我知有出湯粉, 叫我試吓; 見有川貝鱷魚肉, 對保養氣管好, 加水都幾方便妥當; 其實主要係想佢哋飲多D水, 有味水波波唔抗拒, 達達就最衰, 唔鍾意飲湯!
自從整咗bone broth, 已經無燉湯, 鱷魚肉都係蒸熟, 每星期rotate住同其他肉類一齊, 當正餐咁餵.
以後一星期比兩、三次補吓氣!
依家每日有例行工事, 就係要帶領波波豬, 總知無用拖帶佢會行到亂晒, 拖住就行得飛咁快, 我怕咗佢亂撞啦; 希望有個bumper ring 幫到啦, 等到頸都長D用料仲未到, 急死我喇!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
