 |
| 相片連結 |
琴晚達達瞓得唔好, 反來覆去脚撐撐, 都知佢有麻煩😞!
達達平日都會打乞嚏, 鼻仔敏感卦, 佢呢個症狀我都無晒辦法, 一日兩三次我由得佢啦; 近日天氣轉變對佢就有挑戰喇, 即使我再小心, 監察住屋企嘅溫度濕度, 都保唔住佢鼻仔塞晒同呼吸有變化😖!
琴晚我當然係徹夜難眠, 即刻準備霧化器比佢聞, 再加埋氧氣, 希望佢會舒服少少; 但最後都係要用順勢藥等佢情緒放鬆, 先可以瞓得著,今日日間已經有好轉; 但唔知今晚又會點, 好多時D豬仔都係半夜先出事, 呢種情況係最常見😰!
波波大致上算恢復正常, 精神唔錯喇, 胃口都有進步肯自己食啦, 不過都係要用baby food做調味, 好挑食但無辦法, 但求佢肯食我放縱一吓!
眼仔睇唔到, 呢個永久嘅缺憾, 點都要接受啦, 依家佢未習慣唔肯自己行, 唯有上繩等佢慢慢習慣; 只要佢身體健康唔太壞, 我哋會慢慢去克服障礙, 一定會過渡到呢個難關!
今日收到早前幫波波訂嘅新眼鏡, 戴咗幾型仔呀, 盲俠波波豬有個新形象啦, 就算睇唔到都要神氣靚仔嘛😌!
今個星期可以休息吓, 下星期又要跑兩間診所覆診, 希望一切順利啦, 目前最緊要達達豬唔好有變化!
2017年仲有兩星期左右就完, 如果問我新嘅一年願望想點, 我真係啞口無言...
2016帶走咗豆b, 2017帶走咗波波嘅視力, 2018嘛, 只求生活平凡自然!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
