忙忙忙, 忙完一輪稍為鬆一口氣就感冒, 咳到聲沙兼頭痛; 可能之前潛意識叫自己一定要頂住, 根本無病嘅空間, 點都要硬撐!
雖然病係辛苦, 但精神反而放鬆, 見到波波慢慢康復, 雖然眼仔睇唔到已成定局, 但佢肯開始慢慢行, 表情無咁茫然苦惱, 我見到個心無咁痛!
達達情況都受控, 雖然都仲有乞嚏斷斷續續, 但無好重嘅呼吸聲, 無瞓到兩頭咁碌唔舒服, 都要比時間去康復嘛!
 |
| 打從波波眼仔出事, 兩隻豬無再鬧交, 發生咗乜事佢哋係知道嘅! |
打起精神同兩隻豬仔做吓保養, 今次做艾灸碌主要經絡, 一向兩隻豬對艾灸好受落, 感覺佢哋好舒服😌!
點可能情緒唔比佢哋帶動? 之前我以為自己過份失控, 但睇到FB上嘅一篇分享, 短短幾句, 知道原來係有人同路!
"牽動
從前，你的情緒總因為一個喜歡的人而忐忑；
現在，你的情緒只會因為牠的健康變化而忐忑。
牠精神的日子，你身輕如燕、世界是彩色的；
牠萎靡的日子，你腳下千斤、世界變成灰色
By金毛阿伯 Goldie "
我諗講得輕鬆嘅, 可能係未去到嗰個地步, 又或者佢好睇得通, 要冷靜抽身, 我自問做唔到; 總知佢哋平平穩穩, 身體無大病痛, 我就算自己病, 感覺都無咁辛苦😅!
 |
| 以後瞓覺都要波波戴頭套, 今次真係嚇怕我, 無啦啦瞓醒咁大鑊😣😣! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
