2017年12月4日星期一

朦朧嘅領悟

今日帶波波見梁醫生, 睇睇早幾日驗尿嘅報告, 上次蛋白尿ratio係0.146, 今次係0.1; 今次係西藥減半加用中藥調較後嘅成果, 成績好好, 會繼續咁做, 直到停晒西藥, 睇情況再決定下一步!

成績咁好, 但出奇地我無特別開心, 比較起之前知道佢有大進步時嘅激動, 感覺好唔同; 身體狀況實在有太多突發事, 太多預料唔到嘅變數, 有可能呢樣好咗其他有變差, 只係做唔到血檢我唔知道!

最近睇咗一篇post, 我有朦朧嘅領悟!

毛小孩再怎麼長壽，終究壽命比人類短太多。
當心愛的毛小孩走後，很多主人常語帶傷感的問我，像牠這種狗可以活到幾歲？
彷彿要計算牠在人世間走一遭是否值得，划算。
我經常停頓，用安慰的語氣說，何必去想這個問題。
如果牠可以活十五歲，而當牠九歲，十歲時，是否你開始在幫牠倒數日子。
原文連結: https://www.facebook.com/photo.php?fbid=2304674414651&set=a.1156319426494.2022549.1182980065&type=3&theater

想深一層睇報告都係一個數字, 倒不如睇個仔嘅反應, 如果佢食得瞓得精神好, 我唔再執著於一個數字一個報告!
梁醫生著重於幫波波整體調理, 佢話個仔都係虛D, 無論有無驗血報告支持, 都係調養好肝腎為主旨, 做法無異!

我實在唔想再自己嚇自己, 依家頭痛醫頭腳痛醫腳已經好疲累, 過幾日又要帶波波見眼科, 東奔西跑攰都要頂落去; 希望波波眼仔傷口好快D, 又要鼓勵呢個緊張豬, 從新出發學習適應睇唔到嘅日子!

曾經有過後悔唔比波波做白內障手術, 見到佢不停兩頭望我心如刀割, 佢一定唔知點解望極都睇唔到😭, 再見到網上有成功嘅案例好羨慕, 我嘅決定到底有無做錯到?????
家人同朋友都唔讚成波波做呢個手術, 實在風險太大, 佢嘅腎頂唔頂到? 氣管收窄必要顧慮到; 即使我豁出去唔理後果, 手術後都無得保証波波一定睇得到!

朋友講過實例手術後狗狗誘發青光眼, 要將眼仔摘除, 諗到一次一次咁麻醉, 想像到波波呢個唔太健康嘅身體一定難過渡; 再睇到不同唔成功嘅例子, 話手術成功但結果瞳孔與lense 黐埋?? 好不幸最終都係盲!
太多因素影響我唔敢博, 唔敢做呢個手術呀😭....

做咗嘅決定唔應該再有搖擺, 無人可以講邊個決定先正確嘛!
希望波波叻仔, 可以好快適應呢個變故, 我真係唔可以接受因為做呢個手術, 同個仔嘅緣份咁就無; 媽媽好自私亦明白波B睇唔到嘅苦, 但我相信波波係叻仔, 祇要佢肯嘗試去做一定做得到!
乖仔, 一齊加油, 明天定必更好💪!!