又一位松友嘅狗狗上咗彩虹橋, 好難過！
小松松同豆b病況唔同, 但年紀體型同豆b頗接近, 最後治療選嘅都係相若嘅路, 目的係要小朋友剩餘嘅日子活得舒服; 最近有同媽媽密密通訊, 所以感覺同一般狗狗遠走有D唔同; 雖然得知小松已病重, 亦唔想佢久延殘喘再受苦, 但要面對別離, 仍係心痛!
近日來, 有同松友分享豆b嘅抗病路, 勾起我唔少回憶, 回想一路走來, 好真實感受到媽媽椎心之痛!
小M, 放開胸懷迎接新生活, 依家再無病無痛, 新嘅路途必定更光明更好, 好好照顧自己, 他日同媽媽會再重逢!
從來生命長短不由人操控, 上天指派嘅已完成任務, 時間一到, 旁人再努力都係徒勞; 一次一次面對狗狗別離痛苦, 好明白在世時要活得好, 每活一日都係時間在倒數, 可恨即使係知道, 但要從容面對離別, 點都係做唔好, 人真係好矛盾, 明知力不從心, 都想拼命抓住時間去盡努力延續😭！
近期買咗本書, 送比媽媽彩虹橋上嘅一段....
每個陪伴你的生命, 都會延續下去
他們是神派到人間的天使,
只要人類真心的對天使好, 天使就會為那個人奉獻一切,
用自己一輩子的生命去愛他, 無論貧窮、疾病甚至死亡.
當天使用一生陪伴人們度過生命的某個階段之後,
他們會回到彩虹橋.
神給了善良的人們一個承諾,
短暫的離別絕不會是結束, 而是另一個永恆的開始......
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
