怕得要死 (w/album)

相片連結

年紀大機能衰退係成正比, 見到達達腦退化情況近日變差咗,其實係意料中事, 但個心仍然希望係外來因素影響, 然後又猛搵資料睇吓有乜嘢仲可以幫佢!

達達傾向想抽筋嘅次數近來密咗, 以前成半年一次, 見佢手仔縮起我當佢係氣血不通所導致, 但近日頻頻見佢有呢個現象, 上網睇資料都話係個腦放電唔協調, 不過呢個係果, 但個因...我唔知!

困難嘅課題 (w/album)

相片連結

今日, 帶波波去眼科覆診, 咁多次見熊醫生, 今日最開心!
當然, 波波睇唔到已經係事實, 我亦無祈望佢可以再睇返咁天真, 我只求佢眼仔情況穩定無再惡化, 已經感恩!

未可預知嘅變化 (w/album)

相片連結

每日keep住同兩隻豬仔出去行吓, 吹吓風曬吓太陽, 身心都健康D啦, 不過呢兩隻豬都好情緒化, 有時木口木面一臉不耐煩, 要佢哋開開心心都唔容易㗎!

未了緣份 (w/album)

相片連結

為咗波波我真係攪盡心思, 都唔明點解會特別錫佢, 朋友間一般都鍾愛達達, 鍾意佢靚女😉; 就算以前豆b未離開, 都鍾愛豆b態度和氣, 開心果咁黐住你!

一般朋友都鍾意兩個女, 各具性格丰姿; 波波嘛, 性格唔親人, 好難氹得佢開心, 佢根本亦唔比機會人去氹; 但波波愛媽媽, 我都偏偏最錫佢!
如果相信有前生, 咁我哋一定有未了嘅緣份,  一直延續到今世; 我但願.....我哋嘅緣份會生生世世繼續落去😍!

補充礦物質- cell salts (w/album)

相片連結

從屋內望向窗外, 見到陽光好好, 但突然有一種傷感嘅感覺, 因為見到波波, 坐定定喺床, 無焦點咁向前凝望!
見到達達可以兩頭望, 一般我哋有正常視力, 就算乜都唔做思想放空, 應該都唔會寂寞, 起碼仲可以游目四望, 但波波....佢依家活喺漆黑嘅世界, 會有乜嘢感覺?

卑微嘅希望 (w/album)

相片連結

星期三用新藥方執藥比波波, 因為藥材好普通, 我比較放心比佢飲用, 所以當晚就試咗比1ml, 睇吓反應如何; 但相隔十幾分鐘, 波波又開始有D呼吸急促, 我未敢肯定同藥有無關係, 因為天氣潮熱都有影響, 而且 1ml嘅份量, 唔應該有咁大反應, 見佢漸漸平靜返, 我就放心喇!

轉藥方 (w/album)

相片連結

達達食咗收鼻水中藥後, 最初係有明顯改善, 之後停滯不前, 鼻敏感呢個症狀真係好難改變; 同De商量過後決定先停藥, 畢竟呢劑係藥唔係湯水, 達達腦仔又麻煩, 怕長食太溫補效果反面, 寧可靠健脾湯水調理, 希望佢體質有改善, 可以無咁多乞嚏鼻水漣漣啦!

增強體質 (w/album)

相片連結

不經不覺波波食咗中藥有兩星期喇, 無見到有唔好嘅反應, 精精神神多咗活動力, 我已經緩和咗忐忑嘅心情; 事關從來無用處方中藥幫呢隻豬, 見到大大劑執埋一大包, 真係有D壓力㗎😅!

呢種慢性病, 有無好轉無化驗數值好難界定, 不過佢依家連剪指甲都會尖叫咁大反應, 都可以想像要抽血嘅表情; 無可能成功, 唔想嚇到佢無命, 唯有驗尿作為最基本嘅數據, 再睇佢日常活動作反映啦!
求得佢食得瞓得, 呢排仲有興趣逗吓達達, 應該係表達咗有好嘅反應!

好荒謬? (w/album )

相片連結

今日天氣轉涼, 新衫仔已經可以上場, 今次心急嘅timing撞到正, 真好😉!
買啱size真係好, 兩隻豬仔著得好舒服, 質料柔軟又唔焗, 下個冬季再睇吓有咩新款會更好😄!
誠意推介, 真係舒服, 無廣告成份, 無佣分㗎😜!
https://www.goldpawseries.com/product/fleece-stretch-colors/

補鐵supplement - liqui tinic (w/album)

相片連結

今日收到美國訂購返來比達達豬嘅補鐵supplement, 好耐之前同達達驗血, 都見到佢MCV&MCH數值較低, 但紅血球血色素都在正常範圍, 當時醫生話無大問題, 叫我唔使理佢喇!

忽冷忽熱

懶洋洋嘅波波

真係好怕呢D忽冷忽熱嘅天氣, 明明話會凍, 結果係熱到黐線, 最慘係D濕氣, 攪到人狗都攰到癲!
 
早幾日開始, 又同波波加大咗少少中藥份量, 當然留心住佢反應如何; 見佢瞓喺床郁動少咗, 比之前懶惰, 仲要呼吸急咗, 真係嚇死我, 祇加咗丁毛咁少份量, 有無咁誇咁大反應啊?

向前大踏步

一齊浸微泡浴

天氣預報話下週又轉涼, 氣溫會急跌10度, 今年天氣好反覆, 時冷時熱真係捉摸唔到; 辜勿論屬真屬假也好, 都係快D同兩隻豬浸個微泡, 反正自從有咗烘毛機, 可以兩隻豬一齊做, 唔使再擔心冷親, 又唔怕得一雙手, 唔可以同時幫兩隻豬一齊吹毛😊, 咁方便真係幾好!

萬物復甦 (w/album)

相片連結

天氣潮潮濕濕, 開始回暖萬物復甦, 達達毛毛嘅休眠期又平安過渡, 今年都可以keep到無甩毛; 今日同佢梳毛feel到有彈性開始變好, 肚仔毛毛雪白光亮, 頸背嘅黑毛都慢慢減退, 雖然唔可以叫做好, 但見到有正面改變已經好滿足!
毛髮變好係一個指標,  佢心情都會較好!