 |
| 相片連結 |
為咗波波我真係攪盡心思, 都唔明點解會特別錫佢, 朋友間一般都鍾愛達達, 鍾意佢靚女😉; 就算以前豆b未離開, 都鍾愛豆b態度和氣, 開心果咁黐住你!
一般朋友都鍾意兩個女, 各具性格丰姿; 波波嘛, 性格唔親人, 好難氹得佢開心, 佢根本亦唔比機會人去氹; 但波波愛媽媽, 我都偏偏最錫佢!
如果相信有前生, 咁我哋一定有未了嘅緣份, 一直延續到今世; 我但願.....我哋嘅緣份會生生世世繼續落去😍!
為咗佢眼仔睇唔到, 幫佢做個bumper ring作保護, 不過一如意料中, 佢並唔認同, 同佢戴咗見佢週身唔舒服, 都唔肯正常咁活動; 唔戴住我壓力好大, 好怕佢會亂撞亂碰, 要分秒都關顧; 終於再諗解決辦法, 用塊棉圍住比佢行, 圍個大範圍大家都舒服😌!
然後每日盡量同兩隻豬仔出街, 即使少少時間, 都比佢感覺吓外面嘅世界; 波波自從眼仔睇唔到, 出街壓力無咁大, 唔會緊緊張張兩頭望, 一直喺警戒狀態, 反而我會見到佢用心去感覺唔同嘅空間!
唔敢忽略達達, 唔想日後有遺憾感覺愛得唔夠, 就好似以往對粒豆, 唔係唔鍚, 但就無等同對波波嗰種感受; 到今日已經唔可以走返轉頭, 不過...to be honest, 就算有回頭路走, 我諗都一樣會係咁!
從來喺物質上, 照顧上我一直無偏心, 一向都對三隻豬一視同仁, 都會好錫豆豆, 佢性格實在貼心, 但個感覺同波波就總係唔同, 前世注定我同波波嘅緣份更深厚!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
