 |
| 相片連結 |
不經不覺波波食咗中藥有兩星期喇, 無見到有唔好嘅反應, 精精神神多咗活動力, 我已經緩和咗忐忑嘅心情; 事關從來無用處方中藥幫呢隻豬, 見到大大劑執埋一大包, 真係有D壓力㗎😅!
呢種慢性病, 有無好轉無化驗數值好難界定, 不過佢依家連剪指甲都會尖叫咁大反應, 都可以想像要抽血嘅表情; 無可能成功, 唔想嚇到佢無命, 唯有驗尿作為最基本嘅數據, 再睇佢日常活動作反映啦!
求得佢食得瞓得, 呢排仲有興趣逗吓達達, 應該係表達咗有好嘅反應!
達達食咗兩日嗰劑收鼻水藥, 結果都有好好嘅反應, 明顯少咗乞嚏, 竟然鼻水都少咗五成, 攪到老公都話要去睇呢個中醫, 因應自己身體情況做吓保健調整😜!
見到波波精神咗, 達達又少咗乞嚏, 全家都好咗心情, 係咁就做埋藥湯比兩隻豬仔做保健, 唔好停😄!
De話呢個湯係增強體質, 調理脾胃補肝腎, 對骨刺關節炎都啱飲, 都可以幫到達達脚仔震震同無力; 呢個算係湯水類別, 比佢哋飲少少我全無壓力!
日常物理治療做保健當然唔會停, 要保住血液循環良好, 內外兼顧照應; 希望兩隻豬每日都有進步, 等波波情況完全穩定, 達達又收晒鼻水, 就嚟幫達達嘅腦退化做調整👍!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
