 |
| 相片連結 |
從屋內望向窗外, 見到陽光好好, 但突然有一種傷感嘅感覺, 因為見到波波, 坐定定喺床, 無焦點咁向前凝望!
見到達達可以兩頭望, 一般我哋有正常視力, 就算乜都唔做思想放空, 應該都唔會寂寞, 起碼仲可以游目四望, 但波波....佢依家活喺漆黑嘅世界, 會有乜嘢感覺?
望住波波我感覺好悲哀, 好心痛好難過, 雖然話狗狗唔同人類, 佢哋唔會諗咁多亦適應力強, 但呢D都係我哋自己嘅想像, 佢哋又唔識講; 無疑佢哋會努力適應, 但曾經見到呢個花花世界, 依家一切要靠摸索, 我呢個媽媽好心傷!
唔想困喺屋內, 唔想個仔好似活喺漆黑嘅四面牆, 要積極比大家都有正能量, 即刻同兩隻豬出外, 帶佢哋出去行吓, 起碼比波波感受到唔同嘅空氣同溫暖嘅陽光, 希望比佢感官多D刺激佢會生活得快樂!
喺屋內我已經比佢更多關注, 會同佢玩吓游遊戲, 亦抱佢多咗; 希望佢喺媽媽懷抱會有更多安全感, 希望佢感受到被愛嘅感覺!
呢幾日無比兩隻豬食中藥飲藥材湯, 波波無再氣速, 經過我反覆思量, 有懷疑中藥材湯導致佢有氣促情況; 藥湯有用上太子參, 對佢可能太補反應唔好, 明明初時用中藥反應良好, 就因為加上補湯就出狀況; 等我再觀察吓, 無特別情況我會再試用返之前嘅藥方, 唔再添加其他幫倒忙!
達達就比較麻煩, 都仲有手仔抽筋, 近排頗頻密, 雖然用順勢滴劑一分鐘就平復, 但究竟係乜嘢原因?
呢種情況我唔係無問過醫生, 但一般檢查根本搵唔到誘因; 佢嘅情況唔算係抽筋, 又未去到要麻醉做MRI, 其實好難確診!
又上網搜尋, 究竟狗狗leg cramp係乜嘢原因?
原來呢種情況並唔罕有, 好多狗狗都會同人類一樣有脚抽筋!
睇咗資料後, 都好似同達達背境頗吻合, 主要係 4個原因!
https://www.cuteness.com/article/causes-leg-cramps-dogs
https://www.watercures.org/dog-cramps.html
1.Neurological Issues
(達達一直都有腦傳導問題, 呢類都係腦神經嘅問題)
2. Sickness
(呢個就唔肯定, 不過資料話toxins in the bloodstream can lead to muscle cramps and spasms)
3. Dehydration
達達從來唔主動飲水, 呢排飲中藥停咗bone broth, 可能我又無餵得足夠水份, 都影響咗問題產生)
4. Nutrition (資料話可能欠缺某D礦物質)
會做返bone broth 再留意餵足夠水份, 至於礦物質方面, 徵詢過順勢療師, 決定比達達補充 the 12 cell salts -Homeopathic formula, 通過提供對細胞健康同功能至關重要嘅必需12種礦物質細胞鹽組合, 幫助身體帶來平衡!
腦神經同排毒問題會比返順勢療劑 , 不過會完成用cell salt療程之後, 因為用cell salts嘅時候, 要停用其他順勢療劑組合; 希望今次對達達有幫助啦!
http://www.dogsnaturallymagazine.com/tissue-salts-for-senior-dogs/
https://www.babyonline.com.hk/hk/bioplasma-125-%E7%B2%92-nuage
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
