 |
| 相片連結 |
今日, 帶波波去眼科覆診, 咁多次見熊醫生, 今日最開心!
當然, 波波睇唔到已經係事實, 我亦無祈望佢可以再睇返咁天真, 我只求佢眼仔情況穩定無再惡化, 已經感恩!
醫生話佢角膜好清, 已經無上次一噠噠咁, keep住咁可以過四個月先覆診; 熊醫生話祇要keep住波波無唔舒服, 其他嘅佢一定會慢慢習慣, 唔使咁擔心!
處於無得扭轉嘅劣勢, 但求穩定我已經唔敢貪心!
波波暫時算一切under control, 我都一直同佢做住保養, 見佢精神食慾正常, 都有返個開心樣, 我都比較放心!
 |
| Reiki time!! |
可惜達達就開始多麻煩, 見佢乞嗤到好誇張, 個心其實唔想用西藥, 但都要投降, 可惜食咗西藥都無辦法幫到忙😓!
前晚瞓到半夜都要爬起身比佢用霧化器, 希望多少都可以舒緩症狀; 達達好乖好合作, 可能佢覺得聞氣舒服咗啦, 咁我就keep住用呢個辦法去幫啦!
食咗5日cell salt, 但見唔到預期效果, 達達都仲有想抽筋嘅徵狀, 如果click中應該明顯幫到忙, 咁即係佢無關欠缺某種mineral, 我決定停用喇; 其實用cell salt做補充真係好, 無奈用呢個唔可以用其他順勢療劑, 但當達達手仔一抽, 我要立刻滴藥, 要停用cramp remedy無可能啊!
達達趨向抽筋嘅情況比以前密咗, 即係腦傳導同肌肉協調差咗, 以前曾同醫生商討, 佢就話情況差就食藥, 都係著重控制治標唔治本, 腦嘅問題太複雜, 好多解釋唔到嘅個案!
希望達達唔好去到真係抽筋嘅地步, 要用西藥好傷, 實在唔想, 諗起以前叻叻發病就心傷!
幸運嘅係今日可以選擇alternative medicine, 希望可以幫到達達唔好再惡化就理想!
唉, 兩隻豬仔年事已高, 都要學習平常心面對一切, 雖然呢個課題困難到無法想像, 我再努力學習...成績都一定唔會理想!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
