 |
| 相片連結 |
達達食咗收鼻水中藥後, 最初係有明顯改善, 之後停滯不前, 鼻敏感呢個症狀真係好難改變; 同De商量過後決定先停藥, 畢竟呢劑係藥唔係湯水, 達達腦仔又麻煩, 怕長食太溫補效果反面, 寧可靠健脾湯水調理, 希望佢體質有改善, 可以無咁多乞嚏鼻水漣漣啦!
波波服藥接近20日喇, 近呢兩日有D煩燥表現, 成日跳來跳去想同達達打交, 日間有時會乾咳, 呼吸聲較重較急頗明顯; 我有等佢熟睡後數呼吸, 一般都係13, 都屬正常範圍, 唔明點解會有咁轉變!
當然會諗係咪呢劑中藥嘅問題, 即使之前接受得好好, 但服藥後可能體質已經改變, 身體吸收飽和後, 再繼續就有反效果出現; 個仔唔識講, 完全唔知佢有乜感覺, 祗可以多加留意佢嘅表現!
請教De有無需要轉藥方, 佢話聽我形容, 波波再用呢服藥似係有D燥熱, 改變另一藥方睇吓有咩改變啦!
無疑波波係精神好咗, 但始終用藥調理要兼顧全面!
無論中藥西藥, 所有藥物都要小心服用, 用得啱就好, 用唔啱就係毒, 所以一定要留心住用藥後嘅反應係點!
呢幾日天氣晴朗陽光幾好, 雖然潮濕有D霧, 但都合適中午帶兩隻豬出去散步, 兩隻豬明顯出外心情好, 曬吓太陽對身體又好, 佢哋開心我心情就好唔會煩惱!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
