 |
| 相片連結 |
今日收到美國訂購返來比達達豬嘅補鐵supplement, 好耐之前同達達驗血, 都見到佢MCV&MCH數值較低, 但紅血球血色素都在正常範圍, 當時醫生話無大問題, 叫我唔使理佢喇!
直至換咗醫生, 驗過3次血都係borderline, 都係呢兩個指數偏低, 醫生有解釋話達達未算係貧血, 但佢血液裡面稍欠鐵質, 叫我先試試喺食物方面著手; 已經食多咗紅肉同鐵質豐富嘅食物, 但覺得達達唔係好吸收, 驗血見到情況依舊; 咁醫生就話可以試試補鐵嘅supplement, 不過食多咗怕便秘, 仲有其他副作用等等, 都係要食得小心!
喺訂購補充品前, 上網瞭解吓血液缺鐵嘅資料, 原來血液𥚃面缺少鐵質, 影響頗大...
「鐵質的作用，是在血液中製造血紅素（hemoglobin），及製造肌肉中的「肌紅素」（myoglobin）。血紅素是負責將養分帶到身體各處供不同細胞應用，這些養分最主要是氧氣，它負責攜帶血液中98.5%的氧氣。肌紅素則存在於肌肉細胞（myocyte）中，可以加速氧分子擴散到肌肉細胞。」另外鐵質幫助細胞增長及分裂，對於身體能源的新陳代謝，及免疫系統都好重要。鐵質和智力亦有直接關係，研究發現，年輕人及成年人的血紅蛋白水平及智力表現成正比，缺乏鐵質，會令專注力下降，認知能力下降，腦部因供氧不足而影響DNA的製造，及神經傳導物質的製造。
https://www.nhs.uk/translationcantonese/Documents/Anaemia_iron%20deficiency_Cantonese_FINAL.pdf
唔怪得達達容易攰同唔精神, 以上講嘅同達達表現99%接近; 獸醫推介呢隻補鐡supplement, 因為達達肝酵素高要避開有copper嘅成份!
希望達達添加咗呢隻補充品對佢有腦退化都有幫助, 唔會咁易攰成日掛住瞓!
好開心今日都收到從美國訂購比兩隻豬仔嘅gold paw series 衫衫, 其實之前有買過喇, 不過自己選錯過大size著唔到, 無晒mood再買; 早前天氣凍阿女買咗比貓貓, 選到合適嘅size真係正到暈, 主要係彈性大又輕身, 如果天冷包住個身會好暖, 又唔會阻礙正常活動, 於是又挑起我再要買條筋!
 |
| 今次買啱size好fit呀! |
其實天氣已經唔會再好凍, 正路應該等到明年先買, 但我咁心急點等一年吖, 買咗返嚟突然天氣轉冷都可以著吓嘛; 今日收到後比波波試吓, 真係fit到痺曬, 隻惡女唔惹佢啦, 凍先比佢著喇!
琴日同兩隻豬仔出去花園行吓, 諗唔到突然風咁大, 太大風兩隻豬都有D怕怕, 無晒心情咁喇; 反正出咗去就帶佢哋去探吓貓貓, 隻刁蠻公主當真唔係浪得虛名㗎, 佢嘅氣場霸氣強大, 貓貓都怕咗佢, 唔主動行近佢喇; 波波同貓貓都仲可以近距離接觸, 達達嘛...唔喺自己地頭, 都壓迫力咁大, 狗仔細細都真係唔可以睇輕佢㗎!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
