2018年10月8日星期一

正確嘅路

朋友話我養咗呢3隻豬後好迷信, 比較起以前嘅我好唔同, 我都自覺改變好大, 因為以前做診所配藥, 都係接觸西醫, 學習西藥嘅效用; 今日我嘅改變, 都祇因呢3隻豬仔對西藥負面反應太大, 我無辦法唔搵另類療法, 但我無否定西藥嘅功用!

我唔認同呢種叫做迷信, reiki, 音叉, 水晶, 按摩等等係輔助療法, 有一定效用, 而順勢療法, 兩年多前已經得到瑞士政府正式承認為合法藥品, 已被認同, 不過可能又有人會話荒誕無鬼用😜!

每個人生階段接觸嘅嘢有唔同, 造就咗所謂嘅迷信, 不過可以肯定講一句, 話我迷信嘅朋友好幸福, 因為一切順利先唔會留意咁多大家腦中認定嘅迷信😁!

雖然我自己無宗教信仰, 但我對朋友一切嘅信仰好尊重, 佢哋都篤信自己係有緣人, 誠心信奉; 有朋友話見到觀音在雲中, 又有朋友話得到天父引導, 其實無咩唔好, 起碼心靈平靜有託付; 佢哋應該真係有感應到, 唔係當事人真係唔可以妄下定論!
同樣用過另類療法後, 我係見証到功用, 完全無用我點會「迷信」?

有朋友袛覺得西醫西藥先最正統, 又有朋友剛分享比我西醫西藥都未必有用, 有醫生有護士為父母嘅寶寶, 最後竟然捨棄西藥病情先受控; 凡事真係唔可以一概而論, 不過有呢種事例, 的確令我用另類療法信念更穩固!
腦炎康復過程分享

我當初決定用順勢療法幫3隻豬仔都十五十六, 但同路人朋友反問用西藥保證一定好? 長期病係無得醫好, 都祇係希望keep住唔辛苦, 時日要到一樣係留唔到, 總之要過程無痛苦就係好!

我都唔想要佢哋辛苦, 選擇咗咁就努力去做, 時間長短唔再在乎; 朋友勸解我要放鬆, 無人可以話我知, 用西藥後一定可以陪我行更遠嘅路, 有可能仲快同天父報到, 我哋做嘅祇為寶貝好, 無必要其他人認同; 就算係人, 都有為cancer是否接受化療而argued, 根本無定論, 唔好諗咁多, 開開心心咁過活最好!