波波有兩聲咳, 雖然唔算密, 但天氣轉涼又變乾燥, 佢容易出現氣管敏感, 尤其飲水同緊張, 都聽到佢有D咳!
我當然有比順勢藥, 過往配合埋順勢草本, 都止到咳, 但自從食咗蛋白尿西藥後, 怕有相沖, 唔敢比草藥喇, 單用順勢療劑佢又唔得, 又要再搵天然材料幫手, 希望止到咳!
從FB睇到有網主分享, 狗狗有氣管下塌, 激動時會透唔到氣, 有痰亦咳得頗密; 時常咁咳怕會容易引發支氣管炎, 網主分享用麥蘆卡蜜糖效果好得, 少量咁連續用幾日就可以緩解止咳!
雖然波波無好嚴重咁咳, 但都唔可以掉以輕心, 既然係天然食物, 波波對蜜糖亦無敏感, 我試得放心; 都會比達達試吓, 如果幫到佢唔打乞嗤流鼻水, 唔使靠食「養氣」就最好喇!
即刻爬文, 之前消委會都做過蜂蜜測試, 有D品牌會加添咗糖份, 要好小心; 睇咗一餐, 睇到呢篇蜂蜜評級標準, 文中講到...
"2008年底, 創立UMF評級方式的Peter Molan教授向外界宣布他不再支持UMF評級, 並退出AMHA, 結束長達15年的合作關係.
UMF是屬於商界協會所訂立的評級標準, 但測定方式卻一直存在着兩大隱憂: 一是測定方式未受大部分科學家認同; 二是測試結果誤差大.
新西蘭政府至今仍未曾採納UMF成為麥蘆卡蜂蜜的國家評級標準. MGO評級因為來自正規的學術研究, 兼有科學論文支持, 現已向新西蘭政府申請成為麥蘆卡蜂蜜的國家評級標準."
我決定買呢隻Manuka Honey MGO400+試吓, 選麥蘆卡蜜糖要選起碼UMF15+先有真正抗菌功效, 見網上對照, 400+等同UMF20+, 都應該好卦!
好多人會怕用咁多補充品會傷肝腎, 其實選料方面, 如果係非人工合成嘅營養品, 只係當食物咁食, 我用得好安心!
UMF及MGO分級方式
抗菌強度 UMF MGO
低 UMF5+ MGO30+
中低 UMF10+ MGO100+
中 UMF16+ MGO250+
中高 UMF20+ MGO400+
高 UMF25+ MGO550+
http://www.3phk.com/v5article.asp?id=1957
https://trouble-care.com/how-to-chose-manuka
/https://trouble-care.com/manuka-honey/
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
