今日去拜山, 重陽正日工人姐姐放假, 佢從來都唔肯調假, 我唯有叫老公今日攞假就佢啦; 都明白要佢其他日子放假有困難, 無朋友相伴放假都無意思嘛; 你好我好會作出體諒, 做到嘅就盡量相就, 祇要佢小心看護我兩隻豬仔, 調假與否無問題啦!
朋友話我可以要求佢放其他日子, 僱主有權調假, 我點會唔知, 但我唔想佢唔開心嘛, 有人質喺佢手, 要投鼠忌器啦; 有時自己要外出, 就好似今日要去拜山, 兩隻豬仔要靠佢睇住, 都係盡量順佢意算喇!
首要考慮兩隻豬嘅安全, 保住工人姐姐有好心情, 我放心D啦!
 |
| video |
波波用咗單方嘅homeopathic remedy, 腳仔有咗進步, 加上我幫佢做埋艾灸, 見佢行得幾好, 當然同以前都係有唔同, 但同過去比較係無用, 祇要佢keep到咁我已經好滿足!
達達呢兩日算幾好, 見佢脷仔顏色都算紅潤, 祇要大小姐唔發脾氣就好, 最怕佢惡到脷仔變瘀色鬼咁激動!
不經不覺, 達達跟我瞓大床已經好耐, 的確瞓喺我身邊佢較滿足, 可能有安全感再無叫到吖吖嘈; 反正咁唔會騷擾到波波, 一家都有覺好瞓, 就當係權宜之計都好!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
