 |
| 相片連結 |
今日同兩隻豬沖涼, 雖然係用烘乾機浸微泡浴, 少咗好多體力勞動, 但服侍兩隻豬仔梳毛, 洗眼耳口仔, 都做好多功夫, 最勞累嘅唔係做, 係要軟硬兼施, 氹兩隻豬仔合作頗大難度!
本來諗住唔出去, 每次兩隻豬沖完涼都攰到好似跑完馬拉松, 但阿女話達達出去個樣同喺屋企好唔同, 佢鐘意出去咁開心又眼仔睩睩, 就比佢同外界多D接觸, 可以刺激吓個大腦!
他日...我哋唔會感覺有遺憾, 咁小事都比唔到佢滿足!
一講到咁, 個心就扯住痛, 的確無人知往後嘅變化, 兩隻豬事實年紀漸大都多多病痛, 如果咁佢哋係開心點會唔做, 希望好天氣持續!
工人姐姐要幫我做善後清潔, 我自己一拖二都係近近哋落樓下就好, 都一樣可以曬吓太陽吹吓風, 反正遊車河唔需要佢哋勞動!
兩隻豬都真係比較攰, 又或者係浸完微泡精神放鬆, 佢哋都有D慵懒伏低唔多郁!
同佢哋吹住風好舒服, 比波波聽吓熟悉嘅流水聲佢會更放鬆; 達達望完一輪, 索性搵周公, 波波就凝神靜聽享受微風!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
