達達離開咗有5日, 記得豆b同波波離開時, 我好似好多嘢塞住喺胸口, 好多嘢想抒發, 一篇又一篇blog密密發; 到今次達達離開, 好相反, 日常都唔願開口, 祇剩下掏空嘅感受; 失去達豬後, 先確認原來心中承載佢嘅份量重若千斤!
幾十年來一直都有狗狗陪伴左右, 一下間剩低自己一個好難受,上星期日係咁多年來, 屋企只得我自己一個人!
過去得我自己一個但有狗狗, 我好享受那寧靜平和嘅氣氛, 但達達都離開後, 屋企靜到我快窒息要大力深呼吸.....
好懷念惡女投訴嘅聲音, 勝過任何天籟之音!
每日如常相同時間彈起身, 每舉步都習慣性望望左右怕將豬仔踢親, 然後一下子回到現實, 以後都無需要咁小心了; 唔識形容嗰種失落嘅感覺, 失去佢哋, 無疑係我生命裡不能填補嘅遺憾!
唔敢掂達豬嘅遺物, 大家都避免提起嘗試封閉傷心, 每日活得無無聊聊儘做啲無聊事, 我又開始做視頻, 要將過去美好片段再重溫!
 |
| mp4 - 只要平凡 |
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
