 |
| 好似一場惡夢, 3隻豬仔都已經唔喺度 |
今日冬至, 大家開開心心過節嘅日子, 但我開始做一件明知自己會難過嘅事; 不過已經接咗達達返嚟, 依家8隻豬仔都留喺屋企, 陪住我往後每個日子, 仍有感到安慰!
開始認真收拾一下三隻豬仔嘅遺物, 先清潔好氧氣箱, 準備交還比好朋友, 等佢將佢寶貝嘅遺愛伸延下去; 呢個氧氣箱幫咗波波同達達渡過最後嘅一段日子, 我好感謝佢!
 |
| 初時打開門, 比佢哋一齊習慣吓留喺裡面 |
然後拆咗個圍欄, 呢個過程真係一邊做一邊掉眼淚, 呢個圍欄承載住無數回憶, 達達最後都喺呢度跌低😭, 但我要塵封過去; 有呢種經歷嘅狗友一定明白, 嗰種痛係有幾難受, 講就好似好誇張, 但又真實感覺到呼吸困難, 只係拆咗個圍欄, 我已經唔可以再收拾其他, 心痛到唔可以再繼續落去💔!
又再坐低狂流眼淚, 以為自己已經好堅強冷靜, 已經ready可以收拾一切繼續行落去, 原來咁難面對😭!
 |
| 請人畫嘅鉛彩木畫 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
