達達突然冧咗, 好突然！
早餐午餐如常食得好自然, 無扭計要餵, 自己乖乖食完, 隔咗一陣發出一啲怪声響, 以為佢要尿尿, 放佢落尿墊就突然跌低, 發覺佢一邊身偏側, 即刻抱起佢見佢狂流口水, 眼神呆滯全身乏力咁往我懷中跌....
老實講任我幾有經驗, 但面對呢種情況仍然個心狂跳, 即刻抱住佢安撫, 再出動順勢治療; 觀察佢情況似係老狗中風，有耳水不平衡前庭病變特點, 眼仔左右猛轉!
呢種情況平靜休息最重要, 如果幸運希望佢過幾日會自然有好轉, 如果情況更差我亦一早心裡有預算, 只會用順勢寧養治療, 會留佢喺屋企好好照料!
放咗佢落氧氣箱, 一直坐喺佢身邊, 緊急情況下療劑當然密密滴務求佢情緒放鬆最緊要, 經過一輪努力佢眼仔已經無再轉, 狀似比之前舒服亦可以入眠, 但仍係冇力站立身體偏向一邊!
我唔會比佢去所謂獸醫院, 冷冰冰困籠太可憐, 而我相信如果佢無好轉, 見醫生亦無必要, 我都唔樂觀有最壞打算; 亦明白即使過度到呢關, 日子都唔會太長遠!
達豬過咗生日剛剛十日, 唔通真係唔可以打破宿命, 情況真係難以逆轉?
達達已經係我目前唯一精神支柱, 好唔捨得好怕又要面對離別, 好驚好傷心好難放下, 點算!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
