 |
| 好鍾意呢個相架, 好靚! |
休息咗幾日, 喺聖誕前夕, 為達達公主遷居, 移居到之前為波波準備嘅木盒, 當然一開始都有為達達考慮, 留咗位置比佢; 經過咗年幾分開, 達達終於同波波團聚; 空間唔大, 但迫迫哋更親蜜, 最重要係佢哋可以在同一空間, 再做一對神仙伴侶!
願兩隻豬仔有一個溫馨嘅silent night!
為達達做完呢件事後, 好似一切停頓落嚟, 幾十年來團團轉環繞住狗狗, 照顧佢哋一向親力親為, 依家唔使餵藥餵餐沖涼梳毛, 空出咁多時間, 生活變得乏味又空虛.....
無咗3隻豬仔, 從早到晚, 都處於無所適從嘅狀態!
早兩日, 突然收到訊息, 早年前已付款台灣, 排期手工制作嘅陶土公仔輪到我喇, 一排就兩年幾, 期間變化好大, 最大分別當然係輪候時身邊仲有波波同達達!
收到呢個消息無特別興奮, 可能因為我已經擁有3隻豬嘅陶土公仔, 但仍有期待, 畢竟呢家制作嘅公仔, 口碑一向好, 像真度極高; 已經等咗咁耐, 希望真係做得神似啦, 收到後再同大家分享吧!!
聖誕將至, 喺呢個安謐嘅節日, 默默將我嘅懷念同祝福, 送比天上嘅8個毛寶寶, 亦預祝大家聖誕快樂, 新年進步!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
