 |
| 嘩, 咩黎架! |
豆b連日嚟都被鼻敏感折磨, 我真係覺得佢好慘, 佢可能有鼻仔塞啦, 變咗呼吸唔係好暢順; 不過除咗呢樣之外, 好彩佢一切都正常; 我又唔想佢太依賴藥物, 所以無比敏感藥佢, 但睇見佢咁辛苦, 又唔可以袖手旁觀, 當乜都睇唔到嘛!
我有同佢媽媽講過呢個情況, 佢話豆b一向都有呢個毛病, 叫我沖涼嘅時候帶埋佢入浴室, 等佢吸下蒸氣; 果日同阿女講起, 我話豆b未去到要自制噴霧治療室咁嚴重, 但我認同佢吸下蒸氣應該會舒服好多, 記得阿女細時鼻敏感我都去屈臣氏買咗個可以落藥水嘅蒸氣機比佢, 不過佢大咗就無再用喇, 就係今次搬屋我先無搬過嚟, 真係諗唔到原來都仲有需要用佢嘅一日!
阿女話帶豆b入浴室無咁直接, 不如困佢入籠開D蒸氣比佢仲好啦, 都唔一定要用嗰類蒸氣機嘅, 總之噴到蒸氣就得啦! 又係喎! 我試咗兩日真係好似有D效果, 佢呼吸真係無咁大聲, 依家有覺好瞓喇!
揍呢幾隻豬仔, 同揍個BB有乜分別呢?
 |
| 做乜係咁衝埋嚟架?驚驚呀! |
 |
| 唔該, 我想出番去呀! |
 |
| 咦! 聞咗又好舒服喎! |
 |
| 終於有覺好瞓喇! 無打鼻鼾添! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
