 |
| 一定係鼻塞瞓得唔好喇, 個樣好殘啊, 圍番條頸巾保暖, 希望會好d啦! |
希望冬天快D過去, 咁怕凍嘅豆b條氣管仔就會舒服D喇; 雖然佢媽媽話佢一向都係咁, 唔駛太擔心, 可能佢見慣不怪啦; 但係我每次見到佢呼吸到"嘓嘓"聲, 我就渾身唔安樂, 除咗抱起佢同佢按摩吓,突然諗起人嘅氣管唔好, 都會用條頸巾圍住條頸, 即刻去搵條頸巾出嚟同佢圍住條頸仔, 希望咁有D幫助啦!
 |
| 佢真係好怕凍既, 成日都要坐住電暖墊! 個樣好可憐呢! |
上網搵吓呢方面嘅資料, 見到有隻芝娃娃有氣管塌陷, 年老時佢媽媽同佢做咗個氧氣箱, 轉貼咗條link出黎, 大家都可以知多D;睇嚟我都要keep住呢d資料, 第日如果有需要時都可以借鏡, 不過希望係我杞人憂天啦, 我總係要向壞嘅方向諗, 真係無辦法改到呢個毛病啊!
江山易改, 品性難移, 我咁嘅性格, 真係成日要比壓力自己; 自從知道波波有骨刺, 又多咗樣擔心, 一見佢唔想郁, 就驚佢又病發, 其實擔心有咩用呢? 要嚟嘅始終會嚟, 只可以兵來將擋,水來土掩嘛! 更何況又唔一定會有事, 真係平白無辜係都要死D細胞嘅!
好彩我都係驚完好快就無事, 如果成日呢樣擔心, 果樣又擔心, 又唔識同自己減壓, 真係人都癲呀!
馬老爺的噴霧治療室 http://blog.xuite.net/bybywu/blog/16053303
改善氣管塌陷的毛病 自製噴霧治療室
http://www.hkhotdog.com/viewthread.php?tid=12124&extra=&page=1
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
