 |
| 3隻豬仔未熱身呀, 豆b仲有個病樣, 唔敢比佢出去咁耐喇! |
無事忙咗一輪, 咁就過咗個農曆新年喇, 幾隻豬仔都投入番正常活動, 今日又帶佢哋去街街; 唔知係咪波波之前去街跳撲嘅時候, 曾經扯痛過個背脊, 佢依家好似對去街好猶豫, 總係好似想去同唔想去之間, 我估佢其實係鍾意去街嘅, 但又聯想起之前去街曾經痛痛, 所以有D擔心係咪去街就會痛痛呢? 當然呢個只係我嘅估計, 希望之前去街如果真係有過唔開心嘅事, 佢會快D忘記啦; 依家去街我都好小心配合佢, 盡量唔會拉扯到條拖帶, 等佢慢慢適應, 亦唔會行太耐, 15-20分鐘就上番車喇!
達達係心急豬仔, 佢好似想喺街上去肯定 ,自己係有步行能力嘅, 因為喺屋企佢只敢來回於地氈同圍欄之間, 但去街街佢就可以行好大段路; 所以當第一round比波波行先, 佢喺車上就會猛划, 猛叫我比佢落地; 不過無行咗一排, 佢都退步咗喇, 行得比較緊張!
豆b無食敏感藥後又猛打乞嗤喇, 我又唔想太依賴藥物幫助, 除非覺得佢打得太頻密啦; 其實我有諗過究竟帶唔帶佢出去, 好怕會冷親佢, 但又唔可以連適當運動都無嘛, 咁點會有健康嘅身體呢? 最後都決定帶佢出去, 今日有太陽, 等佢晒一陣啦!
每次行完街街, 就番去食晚餐飲湯湯, 跟住聽音樂瞓覺, 佢哋嘅生活比我仲有規律, 希望3隻小豬都爭爭氣氣, 身體健康啦!
 |
| 3隻豬仔有新口水肩, 靚靚Baby Daisy Duck |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
