 |
| 波波豬真係要多謝H醫生考慮周全! |
喺寵物討論區睇到一個post, 一隻芝仔JJ伸咗出嚟, 佢慘叫咗幾聲, 無幾耐縮番入去, 不過狗狗就不停咁舔, 主人擔心, 就帶咗佢去睇醫生; 醫生話要驗血, 照X-ray, 叫佢哋簽一份同意書, 因為可能有風險, 留低狗狗一個鐘後番去接, 但佢哋離開半小時後, 診所打電話嚟, 話狗狗無咗呼吸喇, 狗狗享年3歲!
主人當然好傷心, 佢點會諗到為錫狗狗, 去做個檢查, 會送咗狗狗條命? 原本狗狗仲可以同佢共處好多年! 佢好唔甘心, 好想告個獸醫; 佢話狗狗以前有做過麻醉都無出事, 點解今次用鎮靜劑會咁?? 佢懷疑獸醫用過量嘅藥, 導至呢個不幸後果!
網上好多回應, 有叫佢為狗狗討回公道, 要驗屍, 睇下係咪用咗過量鎮靜劑!
有問點判斷JJ呢個情況要驗血照X-ray, 係咪想收多D錢就草菅狗命!
亦有問點解照X-ray要用鎮靜劑, 之前佢狗狗照過都係用手按住狗狗就得!
亦有網友回應, 話大家都知道X-ray有輻射, 如果作為一個職業醫務人員, 日日要走入X-ray嘅射線範圍, 用人手固定狗狗, 對佢哋健康傷害有幾大? 雖然話佢哋會著住保護衣, 但有乜保証?
佢話唔可以責怪醫生點解要用藥, 點解唔徒手穩定狗狗!一個小生命咁就離開咗, 真係好難過, 但事情發生咗, 希望狗狗安息, 更希望狗主節哀!!
但我希望今次事件, 真係如診所講嘅, 係狗狗藥物敏感, 而唔係大意用咗過量嘅藥; 亦希望獸醫嘅判斷係正確, 狗狗真係需要做呢D檢查, 而唔係為咗斂財; 希望呢個醫療事件, 純粹係一個意外!
睇呢個post我感受好深, 因為波波無耐前先照過X-ray, 而我同意佢係有必要去做; 非常感謝H醫生,佢話明唔想用鎮靜劑 ,可能佢都估計過有風險, 有機會帶嚟呢種後果; 仲要多謝診所嘅幾位姑娘姐姐幫忙, 合力固定波波嘅位置, 咁先照到咁清晰嘅底片!
仲有係每次豬仔們驗血, 佢哋都比我在場陪伴, 照X-ray 都無叫過我放低隻豬仔後離開, 多謝, 再多謝!
無論係人定係狗狗, 遇到一個好嘅醫生, 無私, 專業, 有愛心, 肯為病者設想, 真係一件太幸運嘅事喇!!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
