豆b快要返大埔媽媽屋企喇, 到4月佢媽媽出門, 佢又會再返嚟我呢個九龍媽媽度, 計日子佢真係跟我嘅時間仲多, 佢媽媽話豆b比其他狗狗幸福, 因為佢有兩個媽媽錫錫:)
隻豬女經過連日嚟聞蒸氣, 加埋食療補健, 近日鼻敏感情況已經略有改善, 呼吸聲都較為暢順喇, 不過我都明白呢個只係治標唔治本嘅權宜方法; 所以我不斷上網搵資料, 睇下仲可以再做D乜嘢對佢有所幫助; 好偶然睇到一條短片, 原來美國已經有新技術去幫助氣管塌陷嘅狗狗, 佢地會幫狗狗植入支架, 去支撐氣管開放嘅軟骨, 而呢個手術唔駛開刀, 兼且愈後效果良好!
氣管塌陷呢種症狀, 係小型狗狗好常見嘅毛病, 好希望其他地方嘅獸醫都會認真研究呢種新技術, 可以更進一步, 喺安全嘅大原則下比到狗狗多一條出路!
 |
| 達達望住豆b, 問波波"點解佢會上咗床架?" 波波話"由得佢啦, 佢好快走架喇!" |
 |
| 達達滿面笑容, 友好咁同豆b講, "你走哪? 咁比你喺度瞓陣啦!" |
 | ||
| 豆b諗"咁好既, 比我上床瞓!" (你合作D唔好賴尿就成日都可以上床啦!)
|
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
