有朋友覺得我每樣事都過份緊張, 佢話狗狗能耐比人強, 外國嘅松鼠狗可以喺雪地上打滾, 又唔見佢哋冷病? 但佢忽略咗土生土長嘅道理, 外國狗狗生長喺當地, 佢哋自然適應當地嘅天氣同環境啦; 我都好想我嘅狗狗有能力抵抗冷空氣, 但當你見到佢哋猛打乞嗤, 鼻鼻吹晒波波, 明顯覺得凍, 唔通都唔同佢加衣, 係都要話比佢習慣咩?
狗狗同人都一樣, 每個個體都唔同, 有人比較怕凍又有人唔怕, 我就發覺我嘅狗狗當中, 波波比較耐寒, 所以喺屋企我一般都無同佢著衫嘅, 達達毛髮旺盛嘅時期, 都唔怕凍, 近日少咗毛毛保暖, 天氣凍咗都係需要同佢著番件薄薄哋嘅衫喇, 仲有豆b, 喺我養過嘅狗狗當中, 未見過好似佢咁怕凍嘅, 枉佢長有一身厚毛, 但都係超怕凍, 屋企開咗電暖墊的話, 佢一定會扒係上面, 好自然唔會離開!
狗狗怕唔怕凍, 有無必要著衫, 係無一定嘅公式, 全睇狗狗嘅需要, 順其自然就好!
 |
| 達達豬都打咗幾個乞嗤, 著番件薄衫衫啦! |
 |
| 波波毛毛真係濃密咗好多, 食咗homemade真係有幫助! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
