 |
| 佢哋已經修咗毛毛:) |
今朝一早又再檢查達達豬, 琴日都係只用神奇水, 仲有加添維他命C, 佢乳頭有80%好轉喇, 算係鬆一口氣, 完全好番都要時間, 幸好今次有驚無險, 安全過關 :P
其實真係要學吓放鬆, 有時太緊張會亂晒方寸; 唔係話有事唔理, 但我真係有好多次都係自己嚇自己, 小題大做!
其實咁緊張真係無用, 會比自己太大壓力, 於事無補, 要做嘅都會唔記得做, 今次係一個好開始, 遇事要比自己少少時間空間, 要定D!!(我諗我都係講吓就OK, 我都信唔過自己, 由細到大都係緊張大師:D )
 |
| 達達修齊少少咋 |
 |
| 波波毛毛薄咗, 都唔敢剪太多 |
 |
| 一叫豆b沖涼, 隻衰豬爬到幾高, 都唔慌會合作喇 |
今日輪到豆b沖涼, 跟住要修修毛毛, 同豆b修毛真係好痛苦; 佢永遠都係唔肯企高, 最拿手表演軟骨功, 我都唔期望會剪得好喇!
3隻豬都已經沖涼剪毛為聽日作好準備, 希望一切順利, 唔好打交啊! (真係自己都笑咗, 咩嘢咁大件事呢?)
 |
| 修完都算係整齊咗啦 |
沖涼修毛都用上唔少時間, 仲要準備聽日整點心嘅材料, 雖然係簡單, 但要一手一腳自己去做都要花上時間; 往年所有點心我都會即日做, 一早起身切切切, 但今年要自己撲出去攞蛋糕, 因為店主太忙唔肯再送過嚟, 唯有將材料今日準備好, 聽日只需要蒸同焗!
如果唔係為咗有個靚靚蛋糕比3隻豬, 我真係無咁好氣, 不過又只有呢間餅店, 會做無麵粉嘅全肉餅蛋糕, 咁會健康D :)
希望呢個蛋糕3隻豬會啱口味, 亦希望聽日順順利利再帶比我GOOD MEMORIES!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
