 |
| 相片連結 |
一年裡面有咁好嘅天氣真係唔多, 春天潮濕, 夏天熱到嗌救命, 冬天寒氣逼人, 同3隻豬出去真係好傷腦筋; 除咗天氣問題仲要考慮多人多狗, 波波同達達好麻煩嘛！
人太多達達會受驚嚇, 因為好多時都會遇到途人特如奇來嘅偷襲, 伸手去摸; 我都明人家見佢可愛係情不自禁想同佢玩, 但每隻狗狗個性唔同, 達達一見人向佢伸手會好怕, 佢受驚後就好影響佢當日嘅情緒, 會表現好差; 為咗唔想佢出去遇到不愉快嘅事, 唯有揀選人家食飯時間啦!
波波又唔知係咩原因, 要佢同其他狗狗共融好難, 遠距離見狗狗已經情緒緊張處於戒備狀態, 近距離當然好難逃得過撲同吠啦, 咁我都係選擇避得就避喇; 出去都係想大家輕鬆減壓, 如果係咁會有負能量增加, 無謂喇！
之前天氣咁熱要午飯時間出去真係好難, 都怕中暑啦, 難得等到秋季, 真係要好好把握時間, 要多D同佢哋出去行！
今日都係選中午出去, 呢個時間一般都比較少狗狗出去行, 人流都稀疏, 咁最適合波波同達達; 雖然係中午, 但天氣唔熱, 有風, 有陽光但唔猛烈, 係一個好perfect嘅散步時間！
今日3隻豬都好開心, 達達行得好好, 有車輛經過發出好大嚮聲佢都唔驚, 表現一流喇; 波波都好開心, 基本上唔遇到其他狗狗就無問題, 見到小朋友我唯有預早用小食分散佢注意力, 今日都好成功啦; 豆b嘛, 無驚無險, 天氣唔熱佢氣管唔差, 一路行一路比零食佢已經好開心喇！
期望每次出去都咁愉快, 希望咁好嘅天氣持續耐D啦！
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
