無保護裝備 (w/album)

相片連結

今日覺得空氣好潮濕, 本來唔想同3隻豬仔出去, 呢D咁嘅天氣總覺得特別多小昆蟲出沒, 如果惹到牛蜱就死!
 

達達仲用緊順勢藥物, 指引話要避免有強烈嘅氣味, 咁我連驅蟲噴霧都唔敢用住, 全無保護裝備暴露喺呢種濕濕悶悶嘅天氣, 我覺得有危機!

但一想起3隻豬琴日出去咁開心, 表現得歡歡喜喜, 尤其達達喺呢個脫毛期, 都笑容滿面, 我就唔捨得唔同佢哋出去; 節衷辦法就係唔比佢哋落地啦, 反正出去佢哋已經好歡喜喇!
叫工人姐姐將驅蟲噴霧噴落4個車轆, 算有D保護作用啦!


今日同佢地遊花園, 呢度係禁止狗狗落地, 今日就等佢哋坐住車車兜兩轉啦!
即使無落哋行, 但3隻豬去完街到好攰, 每次番屋企都瞓大覺; 可能喺精神上都處於興奮狀態, 又忙住東張西望, 都虛耗精力啦 😊

忙住擔天望地梗係攰啦！

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！