琴日又同達達豬浸微泡浴, 因為網友喺FB post咗佢狗狗浸浴後生長毛毛嘅效果, 毛毛多番好多; 之前天氣凍真係浸少咗, 依家暖番就唔可以懶惰, 浸密D睇吓達達嘅毛毛又情況如何!
因為我怕達達傷到脊椎, 唔敢比佢郁動咁多, 佢明顯係運動少咗; 腳仔唔郁動好難強化肌肉, 咁支持身體嘅重量就難好多啦!
琴日浸到最後嗰幾分鐘我將水加深咗, 然後扶住佢身體, 穩定佢脊椎唔會搖擺, 比佢手脚做吓運動, 佢猛踢水啦; 咁樣游水一定唔傷關節亦唔會傷到佢脊椎:)
短短幾分鍾我就要停止佢繼續落去, 唔可以咁急進, 唔係又會好心做壞事攞嚟衰!
雖然係短短數分鐘, 但佢不斷划水都好攰, 吹乾毛毛佢就即刻變咗隻爛瞓豬豬:)
琴晚半夜又行雷, 嚇到達達又走嚟走去, 我比咗一次順勢藥劑, 然後抱住幫佢按摩身體, 希望佢可以放鬆落嚟; 可能我唔好手勢啦, 佢郁嚟郁去係都唔肯停低, 點辦?
突然記起隻pet +me silicone comb, 即刻拎嚟同佢按摩, 佢好受落, 肯瞓番低喇; 望吓個鐘只係半夜3點幾, 呢位公主攪到我醒晒再瞓唔番😞
唉, 又眼光光等天光喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
