見豆b挍完耳仔又挍身, 今日同佢沖涼, 睇番記錄原來同上次沖涼距離都有兩星期喇!
呢兩日都keep住比佢聞氣, 希望緩和到症狀, 就唔使出動到放鬆氣管藥, 我盡量都唔想依賴藥物去幫; 當然每件事都要小心衡量, 又唔可以太固執, 明明有需要都話藥物係poison, 點都唔食嘅!
 |
| 呢幾日用口罩, 集中D比佢聞氣! |
豆b算係爭氣, 聞氣對佢幫助好大, 呢兩日呼吸似乎較穩定喇; 唔知同我呢幾日開咗冷氣瞓覺有無關, 雖然都同佢哋著咗衫, 但佢氣管最差, 係吸入咗冷空氣, 所以未適應?
今日又睇到呢類發帖, 討論狗狗搔癢問題, 又話係關乎壓力; 我都唔明, 點解呢3隻豬特別多壓力?
究竟壓力從何而來?
 |
| 兩姐弟一齊企廚房門口等食! |
豆b雖然會同波b有時爭寵隘吓交, 打打鬧鬧, 但人嘅兄弟姐妹間都有咁啦,咁就壓力大? 唔成理由嘛, 況且佢哋打完又會一齊玩; 其他時候, 都係食同瞓覺,去吓街街, 咁都話壓力大?
佢哋好似排隊咁輪住有事, 究竟係我壓力多D? 還是佢哋壓力大D啊??
