繼琴日波波想嘔無嘔, 今日我仲覺得佢條氣有D chok吓 chok 吓, 好似喉朧有D嘢咁; 唉, 就嚟要打針先攪出咁多事㗎!
我又唔想太依賴放鬆氣管藥, 個腦即刻想起用香薰; 但波波都用緊順勢療法, 其實3隻豬都一齊用緊; 呢個係去牙石配方,希望夾到唔需要洗牙嘛!
用順勢療法又頗多規則, 唔可以用中藥又唔可以用香薰, 又唔可以有磁場干擾, 但咁情況下都要暫停順勢藥喇!
梗係要理好氣管同腸胃先啦, 上網搜尋原來艾炙都可以緩和咳嗽, 咁睇咗D穴位我就同佢試做; 做咗15分鐘, 比佢飲咗少少微暖嘅維他命C水, 佢好好多喇!
今次艾炙大都係於背部同喉嚨. 集中以下穴道!
喉俞 / 身柱 / 灵台 / 肺俞 / 厥阴俞
跟住再噴香薰cough drop, 為咗唔影嚮到達達, 我無週圍咁噴; 幫波波綁上噴咗香薰嘅圍巾, 放佢落籠休息一陣, 好似好work咁喎! 隔咗一陣再比佢聞埋氣, 每日都幫佢咁做, 希望快D會好番, 唔使又要睇醫生啦!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
