今日網上睇到有貼文, 講述狗狗嘅病況, 最初徵狀係似頸椎有事, 睇咗幾次醫生, 都係比止痛藥同埋叫困籠; 但狗狗無好轉, 終於去睇專科, 確診係腦膜炎, 原來呢個病同頸椎出事有好多病徵相似, 幸好及時醫理; 但呢件事帶比我最關注嘅係 - 發病原因!
狗狗得嘅係無細菌感染嘅腦膜腦炎, 腦內分泌引發自身分泌打自己, 而病發原因係因為受驚嚇引致, 通常有呢個病嘅狗狗都係比較敏感同怕事, 有呢種腦炎嘅狗狗通常都有呢個特性, 大家真係要特別留意!
佢提醒大家如果家中嘅小狗都特別細胆, 就真係千萬唔好嚇親佢哋!
睇完呢篇貼文, 真係發覺養隻狗狗唔係一件易事, 除咗要好好照顧佢哋起居飲食 , 仲有太多不明病例嚇到你死!
最近朋友嘅狗狗突然離世, 係毫無徵兆下離開, 狗狗幾個月前先做過body check, 連血壓都度埋, 都已經做得好詳細喇; 結果係健康良好無問題, 呢個咁突然嘅打擊, 真係好難接受, 我每每諗起呢隻可愛嘅狗狗, 個心都會痛起嚟; 但願可愛嘅狗狗平安上路, 喺彩虹橋上幸福咁生活好, 更願朋友嘅傷痛早日平伏!
知道得越多越擔心, 養呢3隻豬我自己係接觸到好多以前未見過嘅病例, 見到佢哋一有異狀, 真係充滿惶恐, 最慘係佢哋唔識講, 太小心好似吹毛求蚩, 太老定又怕延誤診治!
有時係見唔到明顯病狀, 只係無咩心機都令我好忐忑; 理性話比自己聽係無得驚, 條路係咁都要一步一步前進; 但感情上係咪可以承受, 萬一狗狗有事所帶嚟嗰種痛??
唔敢諗落去, 呢3隻豬仔之後, 我唔敢再養狗狗喇, 失去佢哋會係"生命中不能承受的痛"
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
