 |
| 相片連結 |
一浪接一浪, 今次輪到豆b出事，真係心血少D都比佢嚇死!
琴晚瞓到半夜兩點幾, 突然聽見豆b好大聲喘氣, 嗰種聲好唔尋常, 好似就快斷氣; 我急忙起身跳落床, 見佢無瞓床仔, 瞓咗落地!
第一時間檢查佢條脷, 睇睇有無變色, 如果缺氧真係要飛去睇急症喇!
好彩條脷仔仲係粉紅色, 個心較為安定, 咁情況下試試比兩粒pet calm eze等佢先冷靜啦!
雖然豆b常會扯氣, 但好少好似今次咁得人驚, 佢好似呼吸到回唔到氣!餵咗藥我即刻衝出去準備部霧化機, 快手快腳抱佢出去聞氣, 幸好聞氣對豆b幫助好大, 好快見佢呼吸回復正常; 聞完氣放番佢落地, 佢又狂挍耳, 我從來無見過豆b挍耳, 究竟咩事?
拎枝電筒同佢照吓耳仔,但睇唔到有問題?!
又再出動順勢療法, 將原先諗住比波波嘅ear clear比豆b, 似乎順勢治療對兩隻女較夾, 過咗一陣佢好似無事喇; 抱番佢入房放落床仔, 一路望住佢瞓到扯晒鼻鼾, 我先敢番上床!今日起身佢回復正常, 好似無晒事, 呢幾日都係keep住比佢聞氣, 希望唔好在再有異狀啦, 要再觀察住!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
