 |
| 相片連結 |
又到咗復活節喇, 往年已經早早就同幾隻豬仔影咗過節相, 仲可以影幾輯咁多添啦; 但今年真係好似無晒時間, 竟然拖到日曆都變咗紅字, 仲要諗過想放棄啦; 但唔知點解件事一開咗先例, 要quitted咗呢個行動好似好難, 依家有少少領悟點解以前嘅老人家過年要蒸糕, 端午要包粽, 莫非我都朝住呢個方向邁步, 有咁嘅心態? 死啦要認老喇 ;)
開始有D混亂, 究竟我係咪享受呢個過程, 我無須向人交差, 影相唔應該有壓力啵?
今日餵完午餐, 打開個儲物櫃搵道具, 原來不經不覺間, 真係買咗好多嘢啊; 每次出街見到適合嘅就買買買, 呢D咁嘅物件佔咗好多空間, 再加上幾隻豬仔嘅衫, 真係同我相比, 佔嘅空間大家一半一半咋!
真係要節制喇, 又唔係私家影樓, 儲埋咁多箱道具真係黐咗線啊!
快快手拎住個相機猛禁制, 我呢D直情係大包圍, 無技術無構圖, 無燈光亂咁嚟, 所以效果真係麻麻; 今年影得好差, 無留意光線唔夠黑嗎嗎 ;)
好彩今日3隻豬心情好, 好快攪掂! 但影完上電腦先發覺好黑, 要後期執相真係有難度, 我唔係嗰皮嘛, 仲要upload落呢個相簿後, D顏色好有問題, 變晒! 點解呢??
講起心情, 3隻豬近來心情都幾靚, 尤其係達達, 可能天氣回暖都有關; 之前同佢哋出街, 都係坐車仔, 見達達心情轉好, 行得都算穩定, 早兩日出去比佢落地行吓:)
雖然同之前係有分別, 但無緊要喇!
天氣好好, 陽光普照, 3隻豬都笑晒！
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
 |
| 相片連結 |
