工人姐姐今日放假, 天色又唔好, 都費事落樓下, 不如比波波、達達浸milky SPA!
雖然所有工序要自己一個人做晒, 事後仲要清潔一餐, 但我呢D心急嘅性格, 叫自己等一陣都難, 真係有得歎都唔識歎 :(
波波浸咗微泡後毛毛改進好大, 濃咗又密咗, 可識佢天生毛質較幼, 如果唔係就更靚仔喇; 松松要毛毛撐得起個做型先完美嘛, 好似未甩毛嘅達達, 成個波咁啦, 但對twins都比以前好咗好多喇 ;)
波波浸微泡好淡定, 依家浸30分鐘完全無問題! 做完波波要暫停, 夠鐘食午飯, 服侍好3隻豬仔, 佢哋好滿足啦; 由得佢哋自己玩, 我要清潔好浴室等下一輪到達達!
兩小時後浸達達, 達豬毛毛未有復甦嘅徵狀, 越嚟越薄喇!
今次我比較沉得住氣, 仍然有信心佢會生得番, 佢仲未甩到最低點, 所以未反彈, 呢條軌跡係要咁行, 都無辦法!
又到時候要餵晚餐, 好似一環接一環, 之後又再清潔, 要做埋善後工作嘛; 今日真係好充實, 但我忙得好開心啦, 無工人嘅日子真係少咗好多激氣同麻煩, 可惜長久落去又唔得, 無人幫手會週身唔得閒, 針無兩頭利啊 :(
